अंमली पदार्थ विकणाऱ्यांना फाशीची शिक्षाचंं दिली पाहिजे ! – अजित पवार

टीम महाराष्ट्र देशा : सध्या राज्य विधी मंडळाचे अधिवेशन सुरु आहे. यात वेगवेगळ्या विषयांवर चर्चा सुरु आहे. अशातच अमली पदार्थांची कुरिअर आणि पोस्टमार्फत विक्री होत आहे या विषयावर चर्चा करताना अमली पदार्थ विकणाऱ्यांना फाशीची शिक्षा द्या अशी मागणी अजित पवार यांनी केली आहे.

याविषयी बोलताना पवार यांनी अंमली पदार्थामुळे तरूण पिढी बर्बाद होत आहे. कॉलेज असणाऱ्या ठिकाणी मोठ्या प्रमाणावर अमली पदार्थ विकण्याचे प्रकार वाढले आहेत. आई आणि वडील दोघेही नोकरी करत असल्यामुळे आपला ११ वी, १२ वीला असणारा मुलगा किंवा मुलगी बाहेर काय करते? हे कळत नाही. आता मुंबई, ठाणे, नागपूर हे शहर वगळता इतर महाराष्ट्रात देखील अंंमली पदार्थ घेण्याचे प्रकार वाढले आहेत. यावर जर रोख लावायचा असेल तर अंंमली पदार्थ विकणाऱ्यांना थेट फाशी देण्याचा कायदा करा अशी मागणी अजित पवार यांनी केली आहे.

अंमली पदार्थांच्या आहारी जाऊन तरुणपिढी बरबाद होतेय. कामात व्यस्त आई-वडिलांना ११-१२ वी मधली मुलं काय करतात, याची कल्पना नसते. मुंबई, ठाण्यासारख्या शहरांप्रमाणेच इतर शहरांतही प्रकार वाढलेत. याला आळा घालण्यासाठी अंमली पदार्थ विकणाऱ्यांना फाशीची शिक्षाच दिली पाहिजे!
#MonsoonSession

— Ajit Pawar (@AjitPawarSpeaks) June 28, 2019

दरम्यान, पवार यांनी पुढे बोलताना ‘आता अंंमली पदार्थ रस्त्यावरील अनधिकृत पानटपऱ्या आणि शालेय विद्यार्थ्यांच्या माध्यमातून विकले जात आहेत. तसेच जनरल स्टोअर्सचे परवाने रद्द करून काहीही होणार नाही, ही खिशातली दुकाने बंद करा, असेही अजित पवार म्हणाले.