परभणी : जायकवाडी धरणाच्या डाव्या कालव्यातून सोडलेले पाणी पाथरीत दाखल झाले आहे. यंदा पावसाळ्यामध्ये खुप चांगला पाऊस पडल्याने जायकवाडी धरण पूर्ण क्षमतेने भरले होते. जायकवाडीमधून परभणी, जालना, औरंगाबाद, बीड या जिल्ह्यामध्ये धरणाच्या पाण्याचे लाभ क्षेत्र आहे.
आता १ मार्चपासून चार पाणी आवर्तनाचे नियोजन करण्यात आले आहे. या नियोजनातील तिसरे आवर्तनाचे पाणी परभणी जिल्ह्यात दाखल झाले आहे. हे पाणी रब्बी हंगामातील गहू, हरभरा, ज्वारी, बाजरीसह इतर प्रमुख पिकांना लाभदायक असणार आहे.
यापुर्वी २७ नोव्हेंबर ते १५ डिसेंबर २०२० ला पहिले आवर्तन, ८ ते ३० जानेवारीपर्यंत दुसरे आवर्तन होते. तिसरे पाणी मात्र कमी क्षमतेने दाखल झाले आहे. वितरीकेच्या माध्यमातून ते शेतकऱ्यांच्या शेतात सोडण्यात येणार असल्याचे जलसंपदा विभागाच्या वतीने सांगण्यात आले आहे.
महत्वाच्या बातम्या
- पियुष गोयल शेतीतज्ज्ञ आहेत हे कळाल्याने माझ्या ज्ञानात भर पडली : शरद पवार
- ‘उस्मानीचे भाषण ऐकले नाही, मुळात एल्गार परिषदेला महत्व देत नाही’
- भांडवलदारांना कृषी व्यवसायात चंचूप्रवेश देण्याचा मोदींचा डाव; ‘या’ मंत्र्याचा आरोप
- शेतकरी आंदोलनावरील आंतरराष्ट्रीय प्रतिक्रियांवर पंतप्रधानांच भाष्य
- भीषण : पंतप्रधान नरेंद्र मोदींनी घेतला उत्तराखंड दुर्घटनेचा आढावा
