‘दोष नाही ना मग घाबरू नका, ‘ईडी’च्या चौकशीला बिनधास्त सामोरे जावा’

टीम महाराष्ट्र देशा : मनसे अध्यक्ष राज ठाकरे यांना अमलबजावणी संचालनालयाकडून (ईडी) चौकशीची नोटीस आली आहे. मुंबईतील कोहिनूर स्क्वेअर प्रकरणी ईडीने राज ठाकरे यांना नोटीस बजावली आहे. येत्या गुरुवारी राज यांना चौकशीसाठी हजर राहण्याचे आदेश देण्यात आले आहेत. राज ठाकरे यांना ईडीने नोटीस धाडल्याने मनसे आक्रमक झाली आहे. तर भाजप नेते विनोद तावडे यांनी राज ठाकरे यांना ईडीच्या चौकशी बाबत सल्ला दिला आहे.

दोषी नसाल तर घाबरू नका, चौकशीला बिनधास्त सामोरे जावा, असा सल्ला विनोद तावडे यांनी दिला आहे. राज ठाकरे यांना ऐन निवडणुकीच्या तोंडावर ईडीच्या चौकशीच्या जाळ्यात टाकले जात आहे. ही पंतप्रधान नरेंद्र मोदी आणि अमित शहा यांची चाल आहे, अशी प्रतिक्रिया मनसेकडून दिली जात आहे.

मनसे नेते संदीप देशपांडे यांनी पंतप्रधान नरेंद्र मोदी हे नवीन भारताचे नवीन हिटलर असल्याची टीका केली आहे, सत्ताधारी भाजप सूडबुद्धीने वागत आहे, जो तुमची प्रकरणे बाहेर काढेल, जो तुमच्या विरोधात बोलेल त्याच्यावर दबावतंत्र आणण्याचा प्रयत्न भाजपकडून केला जात आहे, अशी टीका देशपांडे यांनी केली आहे.

• चूक असेल तर सोडणार नाही, राज ठाकरेंच्या ईडी प्रकरणावर मुख्यमंत्र्यांचा टोला
• पूरग्रस्त शेतकऱ्यांना सरकारकडून दिलासा, घेतलेल्या कर्जाची रक्कम माफ करण्याचा निर्णय
• आरक्षणाच्या मुद्यावरून मोहन भागवत पुन्हा वादाच्या भोवऱ्यातंं
• ‘ईडी’ने पाठवलेल्या प्रेमपत्राला आम्ही भिक घालत नाही : शर्मिला ठाकरे