🕒 1 min read
बीड- मराठा आरक्षणाच्या मुद्द्यावरून सुरु असलेल्या पेचामुळे राज्यभर पडसाद उमटत आहेत. यातच एका तरुणाने आत्महत्या केल्याची घटना बीडमध्ये समोर आली. मराठा आरक्षणासाठी विवेक रहाडेने आत्महत्या केल्याचा दावा नातेवाईकांनी केला आहे. त्यामुळे पुन्हा एकदा मराठा आरक्षणाचा मुद्दा ऐरणीवर आला आहे.
मराठा आरक्षणाचे याचिकाकर्ते विनोद पाटील यांनी काल विवेकच्या कुटुंबियांची भेट घेतली.याबाबत त्यांनी आपल्या फेसबुक पोस्ट मधून माहिती दिली आहे. ते म्हणतात,विवेक रहाडेच्या घरी जाऊन कुटुंबातील सदस्यांची भेट घेतली. जे झालं ते अतिशय वाईट होत, मी एक भाऊ म्हणून तुमच्या दुःखात सहभागी आहे. विवेकच आत्मबलिदान निश्चितच वाया जाऊ देणार नाही, आरक्षणाच्या या लढाईसाठी मी माझं सर्वस्व पणाला लावेल. परंतु माझ्या कोणत्याही भावाने आत्महत्येचं हे पाऊल उचलू नये, आपल्या घराचा विचार करावा. आपली लढाई आपण जिंकू, विश्वास ठेवावा.
दरम्यान, कै.अण्णासाहेब पाटील आर्थिक विकास महामंडळाचे अध्यक्ष नरेंद्र पाटील यांनी नुकतीच जिल्ह्यातील केतुरा येथे भेट देऊन आत्महत्या केलेल्या विवेक रहाडे या तरुणाच्या कुटुंबियांचे सांत्वन केले. नरेंद्र पाटील बीड जिल्हा दौऱ्यावर आले असून या भेटीनंतर बोलताना त्यांनी आत्महत्ये सारखे टोकाचे पाऊल उचलू नये, असे आवाहन केले.
महत्वाच्या बातम्या
- ‘आपल्याला पुढच्या पिढीला चांगली पृथ्वी द्यायची असेल तर ‘हे’ करावेच लागेल’
- प्रचंड दबावानंतर हाथरस प्रकरणी योगी सरकारची मोठी कारवाई
- अधिकाऱ्यांचे निलंबन करून जबाबदारी झटकू नका,योगींच्या राजीनाम्याची प्रियांका गांधींची मागणी
- अयोध्येनंतर काशी,मथुरेची चर्चा;पवारांना वाटतेय ‘ही’ भीती
- शेतकऱ्यांच्या समस्या सोडवा अन्यथा भाजपा रस्त्यावर उतरेल – दरेकर
