शेतीव्यवसाय आणि शेतकऱ्यांना वाचविण्यासाठी केंद्र सरकार काही करणार आहे का ? – सुप्रिया सुळे

टीम महाराष्ट्र देशा : शेतकऱ्यांच्या आत्महत्येवरून राष्ट्रवादीच्या खासदार सुप्रिया सुळे यांनी सरकारवर निशाणा साधला. राज्यातील शेतीव्यवसाय आणि शेतकऱ्यांना वाचविण्यासाठी केंद्र सरकार काही करणार आहे का ? असा सवाल सुप्रिया सुळे यांनी केला.

राज्यात दुष्काळी परिस्थिती निर्माण झाली आहे, दुष्काळ आणि कर्जाने कंटाळून बळीराजा आत्महत्या करत आहेत. याचदरम्यान शेतकऱ्यांच्या आत्महत्येवरून सुप्रिया सुळे यांनी सरकारवर निशाणा साधला. शेती हा राज्यांच्या अखत्यारीतील विषय आहे याची मला जाणीव आहे, परंतु तरीही केंद्रीय कृषीमंत्र्यांनी आपल्या उत्तरादरम्यान पाणी व बियाणांबाबत सरकार विशेष लक्ष घालत असल्याचे सांगत आहे, त्यामुळे मला त्यांना काही विचारायच आहे, असे सुप्रिया सुळे यांनी म्हंटले.

शेती हा राज्यांच्या अखत्यारीतील विषय आहे याची मला जाणीव आहे परंतु तरीही केंद्रीय कृषीमंत्र्यांनी आपल्या उत्तरादरम्यान पाणी व बियाणांबाबत सरकार विशेष लक्ष घालत असल्याचे सांगितल्यामुळे मला त्यांना काही विचारायच आहे. pic.twitter.com/sMIF29Euje

— Supriya Sule (@supriya_sule) June 25, 2019

राज्यातील शेती आणि शेतकरी संकटात असताना, दररोज सरासरी आठ शेतकरी आत्महत्या करीत आहेत असे म्हणत, जर अशा बाबी उघड होत असतील तर माझ्या राज्यातील शेतीव्यवसाय आणि शेतकऱ्यांना वाचविण्यासाठी केंद्र सरकार काही करणार आहे का ? असा सवाल सुप्रिया सुळे यांनी केला.

ज्या राज्याचे मी प्रतिनिधीत्व करतेय त्या महाराष्ट्रात सध्या शेतीव्यवसाय खूप मोठ्या संकटातून जात आहे. अशा वेळी राज्याचे मंत्री विधीमंडळात जलसंधारणासाठीची महत्त्वाकांक्षी योजना असणाऱ्या 'जलयुक्त शिवार' मध्ये निधीचा गैरवापर झाल्याचे मान्य करीत आहेत.

— Supriya Sule (@supriya_sule) June 25, 2019

इतकेच नव्हे तर मी ज्या राज्याचे प्रतिनिधीत्व करत आहे, त्या महाराष्ट्रात सध्या शेतीव्यवसाय खूप मोठ्या संकटातून जात आहे. अशा वेळी राज्याचे मंत्री विधीमंडळात जलसंधारणासाठीची महत्त्वाकांक्षी योजना असणाऱ्या ‘जलयुक्त शिवार’ मध्ये निधीचा गैरवापर झाल्याचे मान्य करीत आहेत, अशी टीकाही त्यांनी केली.

राज्यातील शेती आणि शेतकरी संकटात असताना, दररोज सरासरी आठ शेतकरी आत्महत्या करीत असताना जर अशा बाबी उघड होत असतील तर माझ्या राज्यातील शेतीव्यवसाय आणि शेतकऱ्यांना वाचविण्यासाठी केंद्र सरकार काही करणार आहे का ?

— Supriya Sule (@supriya_sule) June 25, 2019