‘सुप्रीम कोर्टाने आता समांतर केंद्र सरकारही तयार करावे’, काँग्रेसची मागणी

🕒 1 min read

मुंबई : देशभरात लसीकरण केंद्राबाहेर लोकांच्या लांबच लांब रांगा लागल्या आहेत. १७ कोटी जनतेला लस दिल्याचे मोदी सरकार सांगते पण लाखो लोकांची दुसऱ्या डोसची कालमर्यादा उलटून गेली तरी अजून त्यांना दुसरा डोस मिळत नाही. लसीकरणात देशभरात सुसुत्रता दिसत नाही म्हणून केंद्र सरकारने कोरोना प्रतिबंधक लसीचे राष्ट्रीय धोरण जाहीर करावे, अशी मागणी महाराष्ट्र कॉंग्रेसचे प्रदेशाध्यक्ष नाना पटोले यांनी केली आहे

तसेच ‘कोरोनाचा प्रसार रोखण्याच्या दृष्टीने सर्वोच्च न्यालायलाने टास्क फोर्स बनवण्याचे आदेश दिले आहे. पण मला असं वाटतं की केवळ टास्क फोर्सच नव्हे, तर पंतप्रधान नरेंद्र मोदी यांच्या नेतृत्वाखालील सरकारला समांतर असे एक केंद्र सरकारदेखील सर्वोच्च न्यायालयाने तयार करावे. कारण मोदींचे सरकार लोकांना कोरोनापासून वाचवण्यासाठी असमर्थ ठरताना दिसत आहे. संविधानमध्ये अशी तरतूद आधीच करून ठेवण्यात आल्याचे पटोले यांनी सांगितले.

Supreme Court should not only form a task force for COVID management but also form a parallel National Government as the Modi-led BJP govt has failed to protect the country from the pandemic. There is a provision in Constitution for this: Maharashtra Congress chief Nana Patole pic.twitter.com/tdtsrO3Yn6

— ANI (@ANI) May 12, 2021

मोदींचे आपत्ती धोरण आणि आपत्ती व्यवस्थापन किती पोकळ आहे याची जागतिक प्रसारमाध्यमांनी पोलखोल केली आहे. कोविड महामारीचे संकट मोदी सरकार हाताळू शकत नाही असा संदेश जगभरात गेला असून भारत एक जागतिक शक्ती म्हणून जगासमोर उभा राहिला होता पण मोदींच्या अहंकारी, मनमानीपणा तसेच नाकर्तेपणामुळे जगात भारताची नाचक्की झाली आहे. विरोधकांनी केलेल्या सुचनांवर अंमलबजावणी केली असती तर आज दिसत असलेले भयनाक दृश्य पहावे लागले नसते. हजारो-लाखो जीव वाचले असते तसेच भारताची जगात एवढी नाचक्की झाली नसती, असेही पटोले म्हणाले.

महत्त्वाच्या बातम्या :

• ‘लसींची व्यवस्था नसताना लस उत्सव कशाला साजरा केला?’, प्रियंका गांधींचा मोदींना सवाल
• भाजपच्या अतुल भातखळकरांकडून मुख्यमंत्री ठाकरेंच्या संवादाची नक्कल!
• आरोपमुक्त करण्याची विनंती करणे आरोपीचा अधिकार-सर्वोच्च न्यायालय
• ‘टीका करण्याऐवजी सल्ले द्या’, राजनाथ सिंहांचा काँग्रेसला टोला
• ‘घरी कडी लावून बसलेल्यांना रिकामटेकडा म्हणतात’, भाजपचा मुख्यमंत्री ठाकरेंना टोला