🕒 1 min read
जळगाव : १८ मार्च रोजी जळगाव महापालिकेची महापौर व उपमहापौरपदाची निवडणूक पार पडली आहे. जळगाव महापालिकेच्या महापौरपदी शिवसेनेच्या जयश्री महाजन यांची निवड झाली आहे. जयश्री महाजन यांना 45 मत पडली आहेत. तर भाजपच्या उमेदवार प्रतिभा कापसे यांना 30 मतं पडली आहेत. बहुमतासाठी ३८ मतांची गरज शिवसेनेला होती. त्यामुळे अवघे १५ नगरसेवक असूनही तिप्पट बलाढ्य भाजपला शिवसेनेनं आपल्या बाणाने घायाळ केलं आहे.
एकूण ७५ नगरसेवकांपैकी ५७ नगरसेवक भाजपचे, १५ नगरसेवक शिवसेनेचे तर ३ एमआयएमचे आहेत. मात्र, जळगाव महापालिकेवर शिवसेनेनं झेंडा फडकावला असून गेल्या आठवड्याभरात मोठं राजकीय नाट्य रंगलं होतं. भाजपचे २५ हुन अधिक नगरसेवक हे नाराज होते. दरम्यान, एमआयएमच्या तीन नगरसेवकांनी देखील शिवसेना पाठींबा दिला आहे.
महापालिकेवर शिवसेनेचा झेंडा फडकवण्यास मदत केल्याने या नगरसेवकांवर एमआयएम पक्षाने मात्र कठोर कारवाई केली आहे. एआयएमआयएमच्या तीन नगरसेवकांसह जळगावच्या जिल्हाध्यक्षांना पक्षाने निलंबित केले आहे. पक्षविरोधी भूमिका घेतल्याच्या कारणावरून या तीन नगरसेवकांना निलंबित करण्यात आले आहे. तर, २१ मार्च दुपारी २ वाजेपर्यंत प्रदेश कार्याध्यक्ष यांच्या कार्यालयात आपले म्हणणे सादर करण्याचे आदेशही एमआयएम प्रदेश कार्याध्यक्ष डॉ. गफ्फार कादरी यांनी दिले आहेत.
जळगाव जिल्ह्याचे जिल्हाध्यक्ष जिया अहेमद अब्दुल करिम बागवान यांच्यासह महानगर पालिकेतील एमआयएम नगरसेवक रियाज अहमद अब्दुल करिम बागवान, सईदा युसूफ शेख, सुना राजू देशमुख या तीन नगरसेवकांनाही निलंबित करण्यात आले आहे. ‘भाजपापासून जेवढं एमआयएम पक्ष लांब आहे. तितकेच अंतर सत्ताधारी महाविकास आघाडीसोबत पक्षाने आतापर्यंत कायम ठेवले आहे,’ असं देखील यात नमूद करण्यात आलं आहे.
महत्त्वाच्या बातम्या
- संतापजनक : पुण्यात शालेय पोषण आहार म्हणून दिलं पशुखाद्य !
- ‘व्यवहार माझे, जबाबदार वाझे!’ अमृता फडणवीस यांची बोचरी टीका
- सूर्यकुमारचे अच्छे दिन आले; टी-२० नंतर आता एकदिवसीय सामन्यात देखील करणार पदार्पण !
- कोरोना वाढतोय : मुंबई महापालिकेचा ॲक्शन प्लॅन, घेतले ‘हे’ मोठे निर्णय
- ‘वाझे प्रकरणाच्या गदारोळात संजय राठोडचे पाप झाकले जाणार नाही याची काळजी घेऊ’
बातम्यांसाठी YouTube चॅनेल Subscribe करा
Subscribe Now
