पुणे- लोकसभेसाठी शिरुरमधून शिवसेनेतर्फे चौथ्यांदा खासदार आढळरावच उमेदवार असणार हे आता निश्चित झाले आहे. शिरुर लोकसभा मतदार संघाचे शिवसेनेचे खासदार शिवाजीराव आढळराव यांचे काम कौतुकास्पद असल्याचं सांगत आढळराव यांच्या उमेदवारीला अनुकुलता दर्शविली आहे.
आगामी निवडणुकांच्या पार्श्वभूमीवर पुणे जिल्ह्यातील पदाधिका-यांशी संवाद साधण्यासाठी उध्दव ठाकरे आज (शनिवारी) पुणे दौ-यावर आहेत. पुणे जिल्हा, ग्रामीणअंतर्गत येणा-या लोकसभा, विधानसभा मतदार संघानिहाय ते आढावा घेत आहेत. पुण्यातील कल्याणीनगर परिसरात या आढावा बैठका सुरु आहेत. सकाळी शिरुर लोकसभा मतदार संघाचा आढावा घेण्यात आला.
दरम्यान, शिरुर मतदार संघातून शिवसेनेचे उमेदवार खासदार शिवाजीराव आढळराव हेच असणार आहेत, हे आता निश्चित झाले आहे. आढळराव चौथ्यांदा लोकसभा लढविणार आहेत. त्यामुळे आता भाजप, राष्ट्रवादी काँग्रेसकडून कोण उमेदवार असेल हे पाहणं आता महत्वाचं ठरणार आहे.
बातम्यांसाठी YouTube चॅनेल Subscribe करा
Subscribe Now
