टीम महाराष्ट्र देशा : लोकसभा निवडणुकीत पक्षाविरोधात काम करणाऱ्या नेत्यांची शिवसेनेने उचलबांगडी केली आहे. शिवसेनेचे नेते शिवाजीराव आढळराव पाटील यांच्या लोकसभा निवडणुकीच्या पराभवामुळे अनेक नेत्यांची उचलबांगडी करण्यात आली आहे.
लोकसभा निवडणुकीत शिरूर लोकसभा मतदार संघातून शिवसेनेचे आढळराव पाटील यांचा राष्ट्रवादीचे उमेदवार अमोल कोल्हे यांनी पराभव केला. दरम्यान पक्षाविरोधात काम करणाऱ्या नेत्यांच्या विरोधात शिवसेनेने कारवाई सुरु केली असून अनेक नेत्यांची उचलबांगडी केली आहे.
लोकसभा निवडणुकीच्यावेळी जिल्हा परिषदेच्या सदस्या आणि जुन्नरमधील पक्षाच्या नेत्या आशा बुचकेंच्या समर्थकांनी ‘मातोश्री’बाहेर गोंधळ घातला होता. त्यामुळे बुचके यांची पक्षातून हकालपट्टी केली. इतकेच नव्हे तर शिवसेनेचे पुणे जिल्हाप्रमुख राम गावडे यांची पदावरुन उचलबांगडी करत त्यांच्या जागी जिल्हा परिषदचे सदस्य राम कटके यांची नियुक्ती केली.
