शतकी खेळीसह रोहितनं गाजवले मैदान; मोडला मैथ्यू हेडनचा मोठा विक्रम

इंग्लंड : भारतीय क्रिकेट संघाचा सलामीवीर फलंदाज रोहित शर्माने ओव्हल कसोटी सामन्याच्या दुसऱ्या डावात त्याच्या डावादरम्यान सलामीवीर म्हणून 11,000 धावा पूर्ण केल्या. रोहित शर्माने सलामीवीर म्हणून आंतरराष्ट्रीय क्रिकेटमध्ये सर्वात जलद 11,000 धावा पूर्ण करण्याच्या बाबतीत दुसऱ्या क्रमांकावर पोहोचला आहे. या विक्रमासह त्याने मॅथ्यू हेडनचा देखील विक्रम मोडला आहे. त्याच वेळी, त्याच्या डावादरम्यान, त्याने आंतरराष्ट्रीय क्रिकेटमध्ये 15,000 धावा देखील पूर्ण केल्या.

रोहित शर्माने मॅथ्यू हेडनचा विक्रम मोडला

रोहित शर्माने सलामीवीर म्हणून 246 डावांमध्ये 11,000 धावा पूर्ण केल्या आणि दुसऱ्या क्रमांकावर पोहोचला. रोहितने 251 डावांमध्ये 11,000 धावा करणाऱ्या मॅथ्यू हेडनचा विक्रम मोडला. त्याचबरोबर आंतरराष्ट्रीय क्रिकेटमध्ये सलामीवीर म्हणून सर्वात कमी डावात 11,000 धावा पूर्ण करण्याचा विक्रम सचिन तेंडुलकरच्या नावावर आहे, ज्याने 241 डावांमध्ये ही कामगिरी केली.

सलामीवीर म्हणून सर्वात कमी डावात 11,000 धावा पूर्ण करणारे टॉप 5 फलंदाज

241 – सचिन तेंडुलकर

246 – रोहित शर्मा

251 – मॅथ्यू हेडन

258 – सुनील गावस्कर

261 – गार्डन ग्रीनिज

रोहित शर्मा चौथ्या क्रमांकावर आहे

भारतासाठी सलामीवीर म्हणून आंतरराष्ट्रीय क्रिकेटमध्ये सर्वाधिक धावा काढण्याच्या बाबतीत रोहित शर्मा चौथ्या क्रमांकावर आहे. त्याचबरोबर सलामीवीर म्हणून 11,000 धावा पूर्ण करणारा तो भारताचा चौथा फलंदाज ठरला. भारतासाठी या आकड्याला त्याच्या आधी सेहवाग, सचिन आणि गावस्कर यांनी स्पर्श केला होता.

सलामीवीर म्हणून भारताकडून सर्वाधिक धावा करणारा वीरेंद्र सेहवाग आहे, ज्याने एकूण 16,119 धावा केल्या आहेत, तर सचिन तेंडुलकर 15,335 धावांसह दुसऱ्या स्थानावर आहे. गावस्कर 12,258 धावांसह तिसऱ्या स्थानावर आहेत.

भारतासाठी सलामीवीर म्हणून सर्वाधिक धावा करणाऱ्या टॉप 5 फलंदाज-

16119 – वीरेंद्र सेहवाग

15335 – सचिन तेंडुलकर

12258 – सुनील गावस्कर

11000 – रोहित शर्मा

10179 – शिखर धवन

महत्त्वाच्या बातम्या

• लसीकरणात महाराष्ट्र अव्वल ; आज दिल्या जवळपास १२ लाख नागरिकांना लस
• हुबेहुब, सेम टू सेम ; कोण आहेत ‘त्या’ दोघीं
• ‘गणेशोत्सव साधेपणाने साजरा करणार असल्याने नवीन निर्बंध नाहीत’ ; उपमुख्यमंत्र्यांनी दिली माहिती
• हरवलेली ‘ओबीसी मंत्रीमंडळ उपसमिती‘ शोधण्यासाठी ‘टास्क फोर्स’ची स्थापना करा – पडळकर
• एकनाथ खडसेंविरोधात ED चे एक हजार पानी आरोपपत्र दाखल, पत्नी आणि जावयाचाही समावेश