नवी दिल्ली- केंद्रीय मंत्री रामविलास पासवान यांचे पार्थिव शनिवारी पंचत्वात विलीन झाले. पाटणा येथील दिघा घाट येथे जनार्दन घाटावर राजकीय इतमामात त्यांच्यावर अंत्यसंस्कार करण्यात आले. त्यांचे पुत्र व लोकजनशक्ती पक्षाचे अध्यक्ष चिराग पासवान यांनी त्यांना मुखाग्नी दिला. मुखाग्नी देताना चिराग चक्कर येऊन पडला. यावेळी उपस्थितांनी त्यास सावरले आणि अंत्यसंस्काराचे कार्य पार पाडले.
74 वर्षीय रामविलास पासवान हे गेल्या काही दिवसांपासून आजारी होते. गुरुवारी रात्री त्यांचे निधन झाले. शनिवारी पाटणा येथून त्यांची अंत्ययात्रा निघाली. त्यांच्या अंत्ययात्रेत विविध राजकीय पक्षांचे नेते आणि कार्यकर्ते यांच्यासह हजारो नागरिक सहभागी झाले होते.
Bihar: CM Nitish Kumar, Union Ministers Ravi Shankar Prasad, Giriraj Singh & Nityanand Rai & Deputy CM Shushil Modi pay tribute to Ram Vilas Paswan at Digha ghat in Patna. pic.twitter.com/8SGC0lfmA9
— ANI (@ANI) October 10, 2020
रामविलास पासवान यांच्या अंत्यसंस्काराच्या वेळी केंद्रीय मंत्री रविशंकर प्रसाद, मुख्यमंत्री नितीशकुमार, उपमुख्यमंत्री सुशील कुमार मोदी, केंद्रीय मंत्री गिरीराज सिंह, केंद्रीय मंत्री नित्यानंद राय, केंद्रीय मंत्री अश्विनीकुमार चौबे, तेजस्वी यादव, मंत्री मंगल पांडे, खासदार रामकृपाल यादव, महेश्वर हजारी यांच्यासह सर्वच पक्षांचे नेते उपस्थित होते.
महत्वाच्या बातम्या :-
- किस्से राजकारणातले : उच्चस्तरीय चर्चा करण्यासाठी ‘गोदरेज कपाटावर’ फोन ठेवणारा मराठी खासदार
- निवडणूक आयोगानं शिवसेनेला ‘धनुष्यबाण’ नाकारत ‘बिस्किट’ दिलं
- दिलासादायक : नवीन रुग्णांपेक्षा बरे झालेल्यांची संख्या दुप्पट; राज्याचा रिकव्हरी रेट ८३ टक्क्यांवर
- मालवाहतुक अभियान : रेल्वेच्या गेल्या वर्षीच्या तुलनेत यंदाच्या उत्पन्नात होतेय भरघोस वाढ
- ओबीसी आरक्षणाला धक्का लावणार नाही; मुख्यमंत्र्यांनी दिली ग्वाही
