मुंबई : मराठा आरक्षणासह विविध विषयांवर मुख्यमंत्री उद्धव ठाकरे यांच्यासह उपमुख्यमंत्री अजित पवार आणि अशोक चव्हाण यांनी पंतप्रधान नरेंद्र मोदी यांची भेट घेतली होती. या भेटीनंतर अनेक राजकीय प्रतिक्रिया उमटल्या आहेत. त्यातच आता केंद्रीय मंत्री रामदास आठवले यांनी देवेंद्र फडणवीस यांनी मोदींची भेट घेण्याची सूचना केली आहे.
या संदर्भात आठवले यांनी सोशल मीडियाच्या माध्यमातून माहिती दिली. आठवले यांनी लिहिले की, ‘राज्यातील प्रश्नांवर महायुतीचे नेते म्हणून देवेंद्र फडणवीस यांनी पंतप्रधान मोदी यांची भेट घ्यावी. मराठा आरक्षण; पदोन्नतीमधील मागासवर्गीयांचे आरक्षण; तोक्ते वादळग्रस्तांना मदत आदी राज्यातील विषयांवर फडणवीस यांनी पंतप्रधानांची भेट घ्यावी अशी सुचना केली.’
मुख्यमंत्र्यांनी सांगितले असते तर मोदींना भेटण्यासाठी त्यांच्यासोबत आनंदाने गेले असतो, अशी प्रतिक्रिया देवेंद्र फडणवीस यांनी दिली होती. त्यावरही महाविकास आघाडीच्या नेत्यांनी टीका केली होती. मात्र, महाराष्ट्राच्या हितासाठी आपण कायम तत्पर असल्याचे प्रत्युत्तर फडणवीस यांनी दिले होते. आता आठवले यांनी त्याच प्रश्नांवर मोदींची भेट घेण्याची सूचना फडणवीस यांना केली आहे.
महत्त्वाच्या बातम्या
- भाजपला ‘अच्छे दिन’ : २०१९-२०मध्ये मिळाल्या काँग्रेसच्या पाच पट देणग्या !
- एकीकडे महाविकास आघाडीने एकत्र लढण्यावर पवारांचा भर, तर पटोलेंचा स्वबळाचा नारा कायम !
- नेट संपले तरी चालेल, किमान समान कार्यक्रमामुळे तिन्ही पक्षाचे नेते बोललेच पाहिजे; म्हाडाच्या सोडतीवर गमतीदार प्रतिक्रिया
- अरविंद सोनार प्रकरणाची आरोग्यमंत्र्यांनी घेतली दखल, चौकशीचे दिले आदेश !
- …त्या दिवशी आमदार, खासदार आणि मंत्र्यांनी बोलायचं; संभाजीराजेंचा हुंकार
