पुण्यात भाजप आणि अजित पवारांविरोधात जोरदार आंदोलन

टीम महाराष्ट्र देशा : देवेंद्र फडणवीस आणि अजित पवार यांनी मिळून सत्तास्थापनेचा दावा करत मुख्यमंत्री, उपमुख्यमंत्री पदाची शपथ घेतल्याने राज्याने मोठा राजकीय भूकंप झाला आहे. यावरून वातावरण ढवळून निघाले आहे. या सर्व घडामोडींवर आजचा दिवसही महत्वाचा ठरणार आहे. यावरून आता जोरदार राजकारण तापले आहे. अजित पवार यांनी बंड पुकारत भाजपशी हातमिळवणी केली आणि उपमुख्यमंत्रिपदाची शपथ घेतली. त्यामुळे राष्ट्रवादी पक्षासोबतच आणि पवार कुटुंबातही उभी फूट पडल्याचं चित्र आहे.

मात्र या सगळ्यात अजित पवार आणि भाजप यांच्याविरोधात पुण्यात जोरदार घोषणाबाजी करण्यात आली. तर राज्यपाल भगतसिंग कोश्यारी यांच्याविरोधात देखील घोषणाबाजी करण्यात आली. पुण्यात कॉंग्रेस, कम्युनिस्ट पार्टी ऑफ इंडिया आणि इतर सामाजिक कार्यकर्त्यांनी आंदोलन केलं.