नवी दिल्ली : कंगना रानौतवरून देशाचे राजकरण तापले आहे. कंगनाच्या कार्यालयावर बीएमसीने कारवाई केल्यावर कंगनाकडून सरकारवर टीकेचा भडीमार सुरूच आहे. कंगनाच्या कार्यलयावर झालेल्या कारवाईवरून आता भाजप खासदार प्रज्ञासिंह ठाकूर यांनी काँग्रेसला लक्ष्य केले आहे.
आता शिवसेना कॉंग्रेस पक्षाबरोबर आहे आणि कदाचित त्याच्यामुळे कॉंग्रेसचा प्रभाव त्यांच्यावर आहे. म्हणून कॉंग्रेसने शिवसेनेला त्यांच्या प्रभावखाली काम करण्यास भाग पाडले असल्याचे प्रज्ञासिंह ठाकूर म्हणाल्या. त्यांच्यामते महाराष्ट्रातील गृहखाते हे कॉंग्रेस पक्षाकडे आहे त्यामुळे कंगना विरोधात कारवाई करण्यात आली असल्याचे त्या म्हणाल्या आहेत
दरम्यान, ठाकूर यांनी शिवसेनेविषयी सौम्य भूमिका मांडली. २००८ मध्ये अडचणीत असताना शिवसेना प्रमुख बाळासाहेब ठाकरे यांच्याशिवाय कोणताही पक्ष माझ्या पाठीशी नव्हता असेही त्या म्हणाल्या. बाळासाहेब ठाकरेंनी मालेगाव मालेगाव स्फोटातील ठाकूर यांच्यासह इतर आरोपींचे समर्थन केले होते
महतवाच्या बातम्या .
