औरंगाबाद – धनादेश अनादरप्रकरणी राष्ट्रवादी काँग्रेसचे नेते मिलिंद पाटील यांना प्रथम वर्ग न्यायदंडाधिकाऱ्यांनी सुनावलेली एक वर्ष साधा कारावास व ६० लाख रुपये नुकसान भरपाईची शिक्षा जिल्हा व सत्र न्यायाधीश डॉ. एम. एस. देशपांडे यांनी रद्दबातल ठरवली. तसेच पाटील यांची या आरोपातून निर्दोष मुक्तता करण्यात आली.
सुंदरवाडी येथील जमीन व्यवहारातून पाटील यांनी ३० लाख रुपये स्वीकारल्याचा दावा कोमल पाटणी व पवन कासलीवाल यांनी केला हाेता. तर फक्त ५० हजार रुपये उसने घेतल्याचे पाटील यांनी म्हटले हाेते. या रकमेपाेटी पाटणी यांना पाटील यांनी कोरा धनादेश दिला होता. व्यवहार बारगळल्याने पाटील यांनी ४२ लाखांचा धनादेश दिल्याचे सांगण्यात आले हाेते.
संबंधित धनादेश अनादरित झाल्याने पाटणी व कासलीवाल यांनी पाटील यांच्याविरुद्ध काेर्टात फिर्याद दिली. सुनावणीअंती पाटील यांना शिक्षा ठाेठावण्यात आली. त्याविरुद्ध पाटील यांनी सत्र न्यायालयात अपील केले होते. फिर्यादीकडून कागदोपत्री देण्यात आलेली रक्कम व त्या मोबदल्यात देण्यात आलेल्या धनादेशाची रक्कम यात तफावत असल्याचे युक्तीवादा दरम्यान न्यायालयाच्या निदर्शनास आणून दिले. कोर्टाने सर्व बाजू ऐकून मिलिंद पाटील यांची शिक्षा रद्द केली.
महत्वाच्या बातम्या
- हेगडेंचे आरोप बोगस, तर मुंडेंवर एफआयआर दाखल करण्यापासून विचलित केलं जातंय – रेणू शर्मा
- राजकीय गोटात खळबळ : विश्वास नांगरे पाटील पवारांच्या भेटीनंतर मुख्यमंत्र्यांच्या भेटीला
- कोणाच्या जाण्याने भाजपला फरक पडत नाही; महाजनांचा खडसेंना अप्रत्यक्ष टोला
- आघाडीत बिघाडी? ठाकरेंच्या कार्यक्रमातून काँग्रेस-राष्ट्रवादीला वगळले
- ज्येष्ठ शास्त्रज्ञ पद्मश्री डॉ. रोहिणी गोडबोले यांचे उपमुख्यमंत्री अजित पवार यांच्याकडून अभिनंदन
बातम्यांसाठी YouTube चॅनेल Subscribe करा
Subscribe Now
