🕒 1 min read
Naresh Mhaske | मुंबई : मुख्यमंत्री एकनाथ शिंदे (Eknath Shinde) आज दुपारपासून अनेक ठिकाणी भेट देणार आहेत. संध्याकाळी सातच्या सुमारास मुख्यमंत्री बाळासाहेब ठाकरे स्मृतीस्थळावर बाळासाहेबांच्या पुण्यतिथीनिमित्ताने अभिवादन करणार आहेत. या मुद्द्यावरून संजय राऊतांनी प्रसारमाध्यमांशी बोलताना शिंदेंना खोचक सल्ला दिला. “बाळासाहेब ठाकरे हे या देशाचे आणि विश्वाचे आहेत. फक्त आपल्या हातातले खंजीर बाजूला ठेवा आणि मग स्मारकाला हात जोडायला जा”, असं संजय राऊत म्हणाले. यावर आता शिंदे गटाचे नेते नरेश म्हस्के यांनी सडेतोड प्रत्युत्तर दिलं आहे.
“बाळासाहेबांचे हिंदुत्ववादी विचार बाजूला ठेवण्यासाठी प्रेरणा कुठून मिळाली ते आधी संजय राऊत (Sanjay Raut) यांनी सांगावे, मगच बाळासाहेबांच्या समाधीपुढे नतमस्तक व्हावं”, असं प्रत्त्युत्तर बाळासाहेबांची शिवसेना पक्षाचे प्रवक्ते नरेश म्हस्के (Naresh Mhaske) यांनी राऊत यांना दिले आहे.
“सत्तेसाठी, खुर्चीसाठी बाळासाहेबांच्या विचारांना तिलांजली कोणी दिली?”, असा सवालही नरेश म्हस्के यांनी यावेळी केला. आम्ही बाळासाहेबांचे विचार संपूर्ण महाराष्ट्र, देशात नेत आहोत. त्यामुळे खरा अधिकार फक्त बाळासाहेबांची शिवसेना पक्षातील शिलेदारांचा आहे. वसा, वारसा हा फक्त घराण्याचा नसतो, तर तो विचारांचा, तत्वाचादेखील असतो,” असंही ते म्हणाले आहेत.
काय म्हणालेत संजय राऊत?
“काय होतंय, काय होऊ घातलंय हे सगळं बाळासाहेब ठाकरे पाहात आहेत. बाळासाहेब ठाकरेंच्या शिवसेनेच्या पाठित जे लोक खंजीर खुपसतात, त्यांचं कधी भलं झालेलं नाही हा इतिहास आहे. सगळेच बाळासाहेबांच्या समाधीवर जाऊ शकतात, पण चांगल्या मनाने जा”, असंही संजय राऊत (Sanjay Raut) यांनी म्हंटलं होतं.
महत्वाच्या बातम्या :
- Akshay Kumar | आणखी एका रिअल लाइफ हिरोच्या बायोपिकमध्ये दिसणार अक्षय कुमार
- Chhagan Bhujbal | “आव्हाडांवर कारवाई केल्यानं सरकारची प्रतिष्ठा वाढली का?”; छगन भुजबळांचा शिंदे सरकारला सवाल
- Jitendra Awhad | “चित्राताई आपल्या नवऱ्याचं अर्धनग्न छायाचित्र जर प्रसारीत…”, जितेंद्र आव्हाड यांचं चित्रा वाघ यांना प्रत्युत्तर
- Ravikant Tupkar | शेतकऱ्यांना घेऊन अरबी समुद्रात जलसमाधी घेणार ; स्वाभिमानी शेतकरी संघटना आक्रमक!
- Sushma Andhare | “गोडबोल्या साखरझेल्या…” ; सुषमा अंधारेंची दीपक केसरकरांवर टीका
बातम्यांसाठी YouTube चॅनेल Subscribe करा
Subscribe Now
