उस्मानाबाद : जिल्ह्यासह बीड आणि लातूर जिल्ह्याला पाणी पुरवठा करणारा मांजरा प्रकल्प ‘ओव्हर-फ्लो’ झाला आहे. यामुळे या धरणाचे सहा दरवाजे उघडून पाण्याचा विसर्ग सुरू करण्यात आला आहे. काल दुपारीच या धरणाच्या उजव्या कालव्यातून पाण्याचा विसर्ग सुरू करण्यात आला होता. मात्र मंगळवारी रात्री झालेल्या जोरदार पावसाने धरणात पाण्याची मोठ्या प्रमाणात आवक सुरू झाली होती. त्यामुळे आज सकाळी साडेसहा वाजल्यापासून धरणाचे सहा दरवाजे २५ इंचने उघडण्यात आले आहेत.
धरणाच्या सहा दरवाजाच्या माध्यमातून १४९.८० क्यूसेस वेगाने पाणी नदीपात्रात सोडण्यात आले आहे. दरम्यान मांजरा नदीच्या पाणीपातळीत वाढ होऊन पूर येऊ शकतो. त्यामुळे नदी काठच्या गावांना प्रशासनाने सतर्कतेचा इशारा दिला आहे. तर मांजरा धरण १०० टक्के भरल्याने शेतकऱ्यांमध्ये आनंद व्यक्त केला जात आहे.
मांजरा धरण भरल्यामुळे उस्मानाबाद, लातूर आणि बीड जिल्ह्यातील पिण्याचा आणि शेतीसाठी लागणाऱ्या पाण्याचा प्रश्न मिटला आहे. यामुळे शेतकऱ्यांनाही मोठ्या प्रमाणात फायदा होणार आहे. मात्र, परिसरात झालेल्या अतिवृष्टीने शेतकऱ्यांचे नुकसान देखील झाले आहे. या शेतकऱ्यांना भरपाई देण्याची मागणी करण्यात येत आहे.
महत्त्वाच्या बातम्या
- एमपीएससी विद्यार्थ्यांच्या मागणीची मुख्यमंत्र्यांनी घेतली गंभीर दखल; म्हणाले, ‘कोणत्याही परिस्थितीत…’
- कोरोनाने मरण पावलेल्या व्यक्तींच्या कुटुंबियांना मिळणार ५० हजार रुपये, केंद्राची माहिती
- शेतकऱ्यांच्या डोळ्यांत आलेले अश्रू केंद्र सरकार पुसणार आहे का? आ. धीरज देशमुखांचा सवाल
- ठरलं ! स्थानिक स्वराज्य संस्थांच्या निवडणुका कुठे बहुसदस्यीय तर कुठे एक सदस्यीय
- पुण्यात उभं राहणार साखर संग्रहालय; राज्य सरकारचा मंत्रिमंडळ बैठकीत निर्णय
बातम्यांसाठी YouTube चॅनेल Subscribe करा
Subscribe Now
