औरंगाबाद : अंगणवाडी सेविकांना अनेक समस्यांना तोंड द्यावे लागत आहे. त्यातच पोषण ट्रॅक हे इंग्रजी भाषेत असून ते मराठी भाषेत करण्यात यावे अशी मागणी वारंवार केली जात आहे. मात्र तरीही मागणी मान्य न झाल्याने येत्या २४ तारखेला अंगणवाडी सेविका आणि मदतनीस काम बंद करून संप पुकारणार असल्याची माहिती आयटकचे अॅड. अभय टाकसाळ यांनी दिली.
पोषण ट्रॅकर अॅप इंग्रजी भाषेत असून ते मराठी भाषेत करावे. अशी मागणी गेल्या कित्येक दिवसांपासून केली जात आहे. मात्र आंदोलन करूनही मागणी मान्य झालेल्या नाही. त्यामुळे एक दिवस काम बंद करून संप पुकारण्याचा निर्णय अंगणवाडी सेविकांच्या वतीने घेण्यात आला आहे. त्याचबरोबर अंगणवाडी सेविकांना वेतनश्रेणी लागू करावी, सरकारी कर्मचाऱ्यांचा दर्जा देण्यात यावा.
याशिवाय केरळ सरकारने अंगणवाडी सेविकांना १५ हजार रुपये मानधन दिले आहे. केरळ सरकारप्रमाणे आपल्याकडील अंगणवाडी सेविकांना पंधरा हजार रुपये मानधन देण्यात यावे. याशिवाय कोव्हीड काळात मृत्यू झालेल्या अंगणवाडी सेविकांच्या कुटुंबाना आर्थिक मदत देण्यात यावी अशी मागणी महाराष्ट्र राज्य अंगणवाडी – बालवाडी कर्मचारी युनियन आणि आयटकचे राम बाहेती, ऍड. अभय टाकसाळ, तारा बनसोडे सह आदींच्या वतीने करण्यात आली आहे.
महत्त्वाच्या बातम्या
- ‘महाविकास आघाडीच्या एकीवर काँग्रेसला विश्वास नाही का?’, ‘त्या’ भेटीवर सेना-राष्ट्रवादीत नाराजीची चर्चा
- ‘मोदी सरकारचे ओबीसींवरचं प्रेम बेगडी’, प्रा. हरी नरकेंचा आरोप
- ‘तुला काय फरक पडतोयं’; सामन्यापूर्वी केकेआरचा रोहितला न खेळण्याचा सल्ला
- काँग्रेसचे जेष्ठ नेते शरद रणपिसे यांचे पुण्यात निधन
- जॅकी उर्फ ‘जग्गुदादा’ची टपोरी भाषा ऐकायला मिळणार ; ‘बिग बी’सोबत चाहत्यांमध्ये उत्सुकता
