अबू धाबी : भारतीय क्रिकेट संघाचा स्टार खेळाडू व संघाचा कर्णधार विराट कोहली आगामी टी 20 विश्वचषक स्पर्धेनंतर टीम इंडियाचे कर्णधारपद सोडणार असल्याची चर्चा सुरु होती. अखेर या चर्चांवर त्याने पडदा पडला आहे. विराट कोहलीने ट्विटरवरून टी 20 विश्वचषक स्पर्धेनंतर कर्णधारपद सोडणार असल्याची माहिती दिली.
कोहलीच्या या निर्णयानंतर मात्र जोरदार चर्चा रंगली कोहलीने हा निर्णय अचानक का घेतला? अथवा कोणाच्या सांगण्यावर घेतला? असे प्रश्न सर्वत्र उपस्थित होत होते. कोहलीच्या या निर्णयामागे मुख्य प्रशिक्षक रवी शास्त्री यांचा हात असल्याचे आता समोर आले आहे.
भारतीय संघाचे मुख्य प्रशिक्षक रवी शास्त्री यांनी विराट कोहलीला एकदिवसीय सामन्यातही कर्णधारपद सोडून फलंदाजीवर लक्ष केंद्रित करण्याचे सुचवले होते. अहवालानुसार, त्यांनी कसोटी क्रिकेटचे कर्णधारपद सुरू ठेवण्यास सांगितले होते.
कोहलीला जगातील अव्वल फलंदाज राहण्यासाठी प्रशिक्षकाने ही सूचना दिली होती. बीसीसीआयच्या एका अधिकाऱ्याने सांगितले, ‘भारताने त्याच्या नियमित कर्णधाराशिवाय ऑस्ट्रेलियामध्ये मालिका जिंकल्यानंतर कोहलीच्या कर्णधारपदाविषयी चर्चा सुरू झाली. आता हे देखील सूचित करते की कोहलीला एकदिवसीय कर्णधारपद 2023 च्या आधी कधीतरी सोडावे लागेल जर योजनेनुसार काही झाले नाही.
शास्त्री सहा महिन्यांपूर्वी कोहलीशी बोलले होते. पण कोहलीने शास्त्रींचे ऐकले नाही. तो अजूनही एकदिवसीय सामन्यात भारताचे नेतृत्व करण्यास उत्सुक आहे आणि म्हणूनच त्याने केवळ टी 20 मध्ये कर्णधारपद सोडण्याचा निर्णय घेतला.
महत्त्वाच्या बातम्या
- एमपीएससी विद्यार्थ्यांच्या मागणीची मुख्यमंत्र्यांनी घेतली गंभीर दखल; म्हणाले, ‘कोणत्याही परिस्थितीत…’
- कोरोनाने मरण पावलेल्या व्यक्तींच्या कुटुंबियांना मिळणार ५० हजार रुपये, केंद्राची माहिती
- शेतकऱ्यांच्या डोळ्यांत आलेले अश्रू केंद्र सरकार पुसणार आहे का? आ. धीरज देशमुखांचा सवाल
- ठरलं ! स्थानिक स्वराज्य संस्थांच्या निवडणुका कुठे बहुसदस्यीय तर कुठे एक सदस्यीय
- पुण्यात उभं राहणार साखर संग्रहालय; राज्य सरकारचा मंत्रिमंडळ बैठकीत निर्णय
बातम्यांसाठी YouTube चॅनेल Subscribe करा
Subscribe Now
