Sudhir Mungantivar | मुंबई : महाराष्ट्र राज्याचे सांस्कृतिक धोरण २०१० साली सांस्कृतिक कार्य विभागामार्फत तयार करण्यात आले आहे. या सांस्कृतिक धोरणाचा फेरआढावा घेण्यासाठी एक समिती नुकतीच तयार करण्यात आली आहे. या समितीच्या कार्याध्यक्षपदी डॉ. विनय सहस्रबुद्धे यांची नियुक्ती करण्यात आली असल्याचे सांस्कृतिक कार्य मंत्री सुधीर मुनगंटीवार (Sudhir Mungantivar) यांनी सांगितले. यावेळी बोलताना त्यांनी एक आनंदाची बातमी देखील दिली आहे.
सांस्कृतिक मंत्री सुधीर मुनगंटीवार (Sudhir Mungantivar) म्हणाले की, जगदंबा तलवार महाराष्ट्रात परत यावी यासाठी केंद्र सरकारकडे आम्ही पाठपुरावा करत आहोत. ऋषी सुनक ब्रिटनचे पंतप्रधान झाल्यानंतर आता केंद्र सरकारच्या माध्यमातून जगदंब तलवार परत आणण्यासाठी प्रयत्न केले जातील.
पुढे ते म्हणाले, “शिवराज्याभिषेकाला 2024 मध्ये 350 वर्षे पूर्ण होतील. त्यासाठी राज्याच्या सांस्कृतिक विभागाच्या माध्यमातून आम्ही एक आराखडा तयार करत असून यावेळी जर जगदंबा तलवार भारतात परत आली तर आमचा आनंद द्विगुणित होईल.”
साधारणपणे 1875 ते 1876 च्या दरम्यान ही तलवार महाराष्ट्रातून ब्रिटनला गेली. त्यावेळचे प्रिन्स भारत दौऱ्यावर आले होते. त्यावेळी त्यांना काही भेटवस्तू देण्यात आल्या होत्या. त्यामध्ये जगदंबा तलवारीची समावेश होता. शिवरायांच्या पराक्रमाची साक्षीदार असलेली ही जगदंबा तलवार जर महाराष्ट्रात परत आली तर ती सर्वांसाठी आनंदाची गोष्ट असणार आहे.
महत्वाच्या बातम्या :
- Yashomati Thakur | संजय राऊत धमक असलेला माणूस- यशोमती ठाकूर
- Sharad Ponkshe | ब्रिगेड नावाची घाणेरडी जमात ; शरद पोंक्षे यांची जहरी टीका
- T20 World Cup | विराटने मोडला तेंडुलकर आणि लाराचा विक्रम, ‘ही’ कामगिरी करणारा ठरला जगातील पहिला क्रिकेटर
- Sanjay Raut | मी पक्षाला आई मानतो, तिच्याशी गद्दारी करणार नाही – संजय राऊत
- Gajanan Kale । “अफजलखानाचे उद्दात्तीकरण करणाऱ्यांवरही बुलडोजर…”; मनसे नेत्याचं वादग्रस्त विधान
