औरंगाबाद : स्मार्ट सिटीची शहरात मोठ्या प्रमाणावर कामे सुरू आहेत. रेल्वे स्टेशन रोडवरील हॉटेल विट्ससमोर रस्त्याच्या कामादरम्यान शहराला पाणी पुरवठा करणाऱ्या मुख्य जलवाहिनीच्या मेन व्हॉल्व्हचा जॉइंट निखळला. यामुळे ही तब्बल 1400 मिलिमीटरची जलवाहिनी फुटून 50 ते 100 फूट उंच पाण्याचे फवारे उडाले.
जलवाहिनी फुटण्याची घटना रविवारी पहाटे तीन वाजेच्या सुमारास घडली. यानंतर पाण्याच्या दाबामुळे अनेक दुकानांवरील शेड उडून गेले. रात्रीची वेळ असल्याने रस्ते निर्मनुष्य होते, म्हणून सुदैवाने कोणतीही जीवितहानी झाली नाही. जलवाहिनी फुटून तब्बल चार ते साडेचार तास पाणी वाहत होते. अनेक दुकानांमध्ये पाणी शिरल्याने त्यांचे लाखोंचे नुकसान झाल्याचे सांगण्यात येत आहे.
रात्रीच्या या घटनेनंतर अनेकांनी मनपा अधिकाऱ्यांना फोन करून तत्काळ माहिती दिली. मनपा अभियंता किरण धांडे यांनी लगोलग घटनास्थळी पोहोचून कर्मचाऱ्यांना बोलावले. यानंतर पैठण रोडवरील व्हॉल्व्ह बंद करून जलवाहिनीच्या दुरुस्तीचे काम सुरू झाले. तोपर्यंत चार तासांत लाखो लिटर पाणी वाया गेले. या पाण्याचा लोंढा एवढा मोठा होता की, हॉटेल विट्ससमोरून हे पाणी थेट रेल्वे स्टेशनवरील आरटीओ ऑफिसपर्यंत पोहोचले होते.
महत्वाच्या बातम्या
- पियुष गोयल शेतीतज्ज्ञ आहेत हे कळाल्याने माझ्या ज्ञानात भर पडली : शरद पवार
- ‘उस्मानीचे भाषण ऐकले नाही, मुळात एल्गार परिषदेला महत्व देत नाही’
- भांडवलदारांना कृषी व्यवसायात चंचूप्रवेश देण्याचा मोदींचा डाव; ‘या’ मंत्र्याचा आरोप
- शेतकरी आंदोलनावरील आंतरराष्ट्रीय प्रतिक्रियांवर पंतप्रधानांच भाष्य
- भीषण : पंतप्रधान नरेंद्र मोदींनी घेतला उत्तराखंड दुर्घटनेचा आढावा
