औरंगाबाद : ‘मंचावर उपस्थित आजी-माजी आणि एकत्रित आले तर भावी सहकारी,’ असं विधान करत मुख्यमंत्री उद्धव ठाकरेंनी केंद्रीय रेल्वे राज्यमंत्री रावसाहेब दानवे यांच्याकडे पाहिले. यासोबतच, येणारा काळच काय ते ठरवेल, असं सूचक विधान मुख्यमंत्री उद्धव ठाकरे यांनी केलं आहे. यामुळे भाजप-शिवसेनेच्या युतीबाबत चर्चांना उधाण आलं आहे.
आज मराठवाडा मुक्तिसंग्राम दिनानिमित्त औरंगाबादेत मुख्यमंत्री उद्धव ठाकरे यांच्या हस्ते ध्वजारोहण करण्यात आले. यानंतर एका कार्यक्रमात उद्धव ठाकरे, केंद्रीय रेल्वे राज्यमंत्री रावसाहेब दानवे, राज्याचे महसूल मंत्री बाळासाहेब थोरात हे एकाच मंचावर आले होते. या कार्यक्रमावेळी मुख्यमंत्री ठाकरे यांनी केलेल्या भाषणामुळे राजकीय क्षेत्रात खळबळ उडाली आहे.
मुख्यमंत्र्यांच्या विधानावरून आता विविध नेते प्रतिक्रिया देत आहेत. शिवसेना नेते आणि राज्यमंत्री अब्दुल सत्तार यांनी रावसाहेब दानवे यांच्यासोबत एकत्र माध्यमांना प्रतिक्रिया दिली. यावेळी ते म्हणाले, ‘सामान्य जनतेच्या हिताचाच मुख्यमंत्री ठाकरे निर्णय घेतील. ते जो निर्णय घेतील तो आमच्यासाठी अंतिम असेल. पण मुख्यमंत्री उद्धव ठाकरे हे पुढचे तीन वर्षे मुख्यमंत्री राहणार असतील तर युतीसाठी आमची तयारी आहे,’ असं अब्दुल सत्तार यांनी म्हटलं. या अटीवर दानवे यांनी प्रतिक्रिया देताना, आपल्याच पक्षाचा मुख्यमंत्री असावा असं प्रत्येक नेत्याला आणि कार्यकर्त्याला वाटणं स्वाभाविक आहे असं म्हटलं. मात्र भाजप काय भूमिका घेईल हे मात्र त्यांनी स्पष्ट केलं नाही.
महत्त्वाच्या बातम्या
- ज्यांना कुणाला आमच्यासोबत यायचंय त्यांनी खुशाल यावे आणि भावी व्हावे-संजय राऊत
- भाजपसोबत युतीबाबत मुख्यमंत्र्यांचे सूचक विधान, तर मोदींना शुभेच्छा देताना म्हणाले…
- ‘उद्धवजी माझ्या कानात म्हणाले मुंबईला या, आपण बसू’
- राज्यपालांनी महिलेचा मास्क काढल्याने वाद; अजितदादा म्हणाले, ‘राज्यपाल महामहिम, त्यांच्याबाबत…’
- भाजप-शिवसेनेच्या युतीबाबत मुख्यमंत्र्यांचे सूतोवाच; आता कट्टर विरोधक नारायण राणे म्हणाले…
