जळगाव : गेल्या अनेक दिवसांपासून भाजपवर नाराज असलेले जेष्ठ नेते एकनाथ खडसे यांनी अखेर राष्ट्रवादी कॉंग्रेसमध्ये प्रवेश केला आहे. त्यानंतर एकूणच उत्तर महराष्ट्रातील भाजपला उतरती कळा लागली आहे. त्यावरच एकनाथ खडसेंच्या राष्ट्रवादी प्रवेशानंतर डॅमेज कंट्रोलची चाचपणी करण्यासाठी भाजपच्या जळगाव जिल्हा कोअर कमिटीच्या वतीने तातडीची बैठक आयोजित केली आहे. मात्र या बैठकीला माध्यमांना प्रवेश नाकारला आहे.
भाजपच्या जळगाव जिल्हा कोअर कमिटीच्या बैठकीसाठी माजी मंत्री गिरीश महाजन, प्रांत संघटन मंत्री विजय पुराणिक, विभागीय संघटन मंत्री किशोर काळकर, खासदार उन्मेष पाटील, आमदार सुरेश भोळे, संजय सावकारे, मंगेश चव्हाण, माजी आमदार स्मिता वाघ, महापौर भारती सोनवणे, जिल्हा परिषदेच्या अध्यक्षा रंजना पाटील आदी नेते उपस्थित आहेत. अस असल तरी देखील एकनाथ खडसेनच्या सुनबाई आणि भाजपच्या खासदार रक्षा खडसे यांनी या बैठकीला दांडी मारली आहे.
दरम्यान, रक्षा खडसे यांच्या गैरहजेरी बाबत भाजपा आमदार गिरीश महाजनांना विचारले असता ते म्हणाले, रक्षा खडसे काल रात्री पक्षाच्या बैठकीसाठी दिल्लीला गेल्या आहेत. त्या संदर्भात त्यांनी वरिष्ठ नेत्यांना पूर्व कल्पना देखील दिली होती. पक्षाची परवानगी घेऊनच त्या दिल्लीला गेल्या आहेत. त्यामुळे त्यांच्या अनुपस्थिती संदर्भात तर्कवितर्क लढवणे चुकीचे असल्याचे गिरीश महाजन यांनी सांगितले.
दरम्यान,एकनाथ खडसे यांनी राष्ट्रवादी काँग्रेसमध्ये प्रवेश केल्यानंतर रावेर लोकसभा मतदारसंघाच्या खासदार रक्षा खडसे यांनी भाजपमध्येच राहणार असल्याचे जाहीर केले होते. राष्ट्रवादी काँग्रेसमध्ये प्रवेश केल्यानंतर एकनाथ खडसे त्यांच्या मूळगावी कोथळी येथे आल्यानंतर रक्षा खडसे यांनी त्यांचे स्वागत केले होते.
महत्वाच्या बातम्या
- वक्फ बोर्डचे मुख्य कार्यालय मुंबईत जाणार – नवाब मलिक
- अजित पवारांनंतर राष्ट्रवादीचा ‘हा’ बडा नेता अडकला कोरोनाच्या विळख्यात
- वडिलांच्या म्हणण्याप्रमाणे खेळू शकलो याचा मला अभिमान!
- अण्णा हजारे रिटायर होणार अशा बातम्या प्रसिद्ध झाल्यानंतर कार्यकर्ते संताप व्यक्त करत म्हणाले…
- जळगावात भाजपची तातडीची बैठक, रक्षा खडसेंची दांडी…
