मुंबई : भाजपचे विधानपरिषद आमदार गोपीचंद पडळकर हे नेहमी शरद पवार व त्यांच्या कुटुंबियांवर वारंवार टीका करत असतात. पडळकर आणि पवार यांच्यात नेहमीच टीका-टिप्पणी होत असते. नुकतीच अहिल्याबाई होळकर यांच्या स्मारकाबाबत पडळकर आणि पवार दोघांमध्ये वादविवाद उफाळून आले होते.
आता पडळकर यांनी राष्ट्रवादी काँग्रेसचे अध्यक्ष शरद पवार यांच्यावर जोरदार टीका केली आहे. पडळकर यांनी ट्विट करत म्हंटले आहे की, घुंगराची काठी, घोंगडी यांच्यासाठी फक्त दिखाऊपणा आहे. गरज सरो धनगर मरो असे प्रस्थापितांचे धोरण असल्याचे पडळकरांनी पवारांवर घणाघात केला.
आज माजी मंत्री शिवाजीराव नाईक यांचा राष्ट्रवादीत प्रवेशाचा कार्यक्रम सांगली येथे पार पडला. यावेळी शरद पवार यांचा धनगर संस्कृतीची प्रतीक असलेले घोंगडी, घुंघराची काठी, ढोल याची भेट देत सन्मान करण्यात आला. हाच धागा पकडत पडळकर यांनी पवारांवर टीका केली आहे. याच कार्यक्रमातला व्हिडिओ ट्विट करत पडळकर यांनी शरद पवारांवर टीका केली.
महत्वाच्या बातम्या –
