‘सगळा भाजप झटला तरी धनुभाऊ मागे नाही हटला’

टीम महाराष्ट्र देशा : परळी विधानसभा मतदारसंघात धक्कादायक निकाल लागला आहे. भाजप उमेदवार पंकजा मुंडे यांचा लाजीरवाणा पराभव झाला असून राष्ट्रवादी कॉंग्रेसचे उमेदवार धनंजय मुंडे यांचा दणदणीत विजय झाला आहे. धनंजय मुंडे यांनी बहिण पंकजा मुंडे यांचे आव्हान स्वीकारत विजय संपादन केला आहे.

परळी विधानसभा मतदारसंघात यंदा हाय होल्टेज लढत पाहिला मिळणार आहे, अशी चर्चा होती. मात्र धनंजय मुंडे यांनी पहिल्या फेरीपासून आघाडी मिळवत विजय संपादन केला आहे. परळी विधानसभा मतदारसंघात शेवटच्या टप्यात भावनिक राजकारण पाहायला मिळाले. मात्र यावेळेस परळीच्या जनतेने भावनेला न भूलता निर्णायक कौल दिला आहे.

परळीमध्ये पंकजा मुंडे यांच्या प्रचारासाठी खुद्द पंतप्रधान नरेंद्र मोदी यांनी हजेरी लावली होती. तर सावरगाव येथे झालेल्या दसरा मेळाव्याला अमित शहा यांनी येऊन पंकजा मुंडेंच्या प्रचाराचा नारळ फोडला होता. तरी देखील पंकजा मुंडे यांचा पराभव ते टाळू शकला नाहीत. त्यामुळे ‘सगळा भाजप झटला तरी धनुभाऊ मागे नाही हटला’ अस म्हंटल तर वावग ठरणार नाही.

दरम्यान धनंजय मुंडे यांच्या समर्थकांनी जोरदार जल्लोष सुरू केला आहे. परळीत जेसीबीतून राष्ट्रवादीच्या कार्यकर्त्यांनी गुलाल उधळायला सुरूवात केली होती. दुसरीकडे पंकजा यांच्या घराबाहेर मोठा शुकशुकाट पाहायला मिळतोय.

महत्वाच्या बातम्या 

https://twitter.com/Maha_Desha/status/1187290814570827776?s=20

https://twitter.com/Maha_Desha/status/1187287663268679680?s=20