कोल्हापूर : स्वत:ला ‘पर्मनंट आमदार’ समजणाऱ्यांना या निवडणुकीत जनता नक्की घरी बसवेल, असा टोला मुख्यमंत्री देवेंद्र फडणवीसयांनी राष्ट्रवादीचे आमदार हसन मुश्रीफ यांना गुरुवारी येथे लगावला. कागलच्या जनतेचे प्रेमच समरजित घाटगे यांना लोकशाहीच्या मंदिरात पोहोचवेल, असा विश्वास व्यक्त करून मुख्यमंत्र्यांनी त्यांच्या विधानसभेच्या उमेदवारीचेही स्पष्ट संकेत दिले. यावर उपस्थित जनसमुदायाने टाळ्यांचा कडकडाट करून त्यास प्रतिसाद दिला.
विक्रमसिंह घाटगे यांच्या पुतळ्याचे अनावरण फडणवीस यांच्या हस्ते या पुतळ्याचे अनावरण झाले. या शेतकरी मेळाव्यास प्रचंड जनसमुदाय उपस्थित आहे. समरजित घाटगे यांनी विधानसभा निवडणुकीच्या पार्श्वभूमीवर जंगी शक्तीप्रदर्शन केले. या कार्यक्रमात खासदार संजय मंडलिक, धैर्यशील माने आणि अण्णासाहेब जोल्ले यांचा मुख्यमंत्र्याच्या हस्ते सत्कार झाला..
