कॉंग्रेस नेत्याची हरियाणात गोळ्या घालून हत्या

टीम महाराष्ट्र देशा : हरियाणातील फरिदाबाद येथे मंगळवारी काँग्रेस प्रवक्ते विकास चौधरी यांच्यावर गोळ्या झाडून त्यांची हत्या करण्यात आली आहे. या हत्येबाबत कॉंग्रेस पदाधिकाऱ्यांकडून संताप व्यक्त केला जात आहे.

विकास चौधरी हे नेहमीप्रमाणे जिमला गेले असताना ते जिममधून बाहेर पडताच ते आपल्या गाडीत बसताना काही अज्ञात लोकांनी त्यांच्यावर आठ ते दहा गोळ्या झाडल्या. प्रवासादरम्यान चौधरी यांच्यावर हा हल्ला झाला असून त्यांना जखमी अवस्थेत स्थानिक रुग्णालयात नेण्यात आलं होतं. मात्र उपचारादरम्यान त्यांचा मृत्यू झाला.

Haryana: Congress leader Vikas Chaudhary shot at in Faridabad. More details awaited. pic.twitter.com/m6Zqru6JOy

— ANI (@ANI) June 27, 2019

हल्ला नेमका कोणी केला याबाबत अद्याप माहिती मिळाली नसून सदर घटनेतील हल्लेखोरांचा तपास स्थानिक पोलीस करत आहे. काँग्रेस नेत्यांनी या घटनेनंतर संताप व्यक्त केला आहे. हरियाणाचे काँग्रेस प्रदेशाध्यक्ष अशोक तन्वर यांनी सध्या राज्यात जंगलराज असल्याची टीका करत काही दिवसांपूर्वी झालेल्या महिलेच्या खुनाचाही तपास झाला पाहिजे, अशी मागणी केली.