औरंगाबाद : महापालिका निवडणुकीची याचिका न्यायालयात प्रलंबित आहे. मात्र, मनपा निवडणूक लवकरात लवकर व्हावी यासाठी सर्वपक्षीय नेते आग्रही आहेत. सर्वच पक्षातील इच्छुक उमेदवारांनी आपली तयारी सुरु केली असून औरंगाबादमधील काँग्रेस पक्षाने जोरदार तयारी सुरु केलीय. औरंगाबाद शहर जिल्हा काँग्रेस कमिटीचे शहराध्यक्ष मोहंमद हिशाम उस्मानी शहरातील वॉर्डा-वॉर्डात फिरुन नागरिकांशी संवाद साधत आहेत.
शुक्रवारी (दि.५ ) पदाधिकाऱ्यांसोबत बेरीबाग हर्सूल या वॉर्डाच्या विविध नागरी समस्या जाणून घेतल्या. या भागांमध्ये अद्यापपर्यंत जायकवाडीचे पाणी आलेले नाही. पाईपलाईन करण्यात आलेली नाही. त्यामुळे या भागातील रहिवासी आपल्या दैनंदिन जीवनासाठी आवश्यक पाणी टँकरने मागून आपली जीविका भागवत आहेत. या भागामध्ये पिण्याच्या पाण्याचा प्रश्न अत्यंत ज्वलंत असून किमान हजार ते बाराशे कुटुंबियांना दररोज पाणी विकत घेऊन आपली उपजीविका भागवावी लागते.
येथील रहिवाशांनी टॅक्स तसेच गुंठेवारी नियमानुसार महानगरपालिकेला मालमत्ता कर व नळ पट्टी भरण्यासाठी तयारी दर्शविलेली असून महानगरपालिकेने त्वरित या भागाचे सर्वेक्षण करून नवीन पाण्याची लाईन टाकण्याची मागणी येथील स्थानिक रहिवाशांनी केलीय. या भागांमध्ये सर्व रस्त्यांचे सिमेंट काँक्रिटीकरण करणे आवश्यक असल्याचे दिसून आले आहे. यावेळी बोलतांना हिशाम उस्मानी यांनी सांगितले की, ‘या भागाचा जो पाण्याचा ज्वलंत प्रश्न आहे, तो सोडविण्यासाठी महानगरपालिका प्रशासन किंवा राज्य शासनाकडे पाठपुरावा करण्यात येईल. येथील पिण्याचे पाण्याचे प्रश्न सोडविण्यासाठी काँग्रेस पक्षाकडून लवकरात लवकर प्रयत्न करण्यात येणार असल्याचेही त्यांनी सांगितले. याप्रसंगी औरंगाबाद शहर जिल्हा काँग्रेस कमिटीचे पदाधिकारी एम. ए. अजहर, बाबुराव कावस्कर, मोहसीन लकी वॉर्ड अध्यक्ष, फेरोज पटेल, अमजद खान, जाधव इत्यादी उपस्थित होते.
महत्वाच्या बातम्या
- ‘शिवसेनेने महाराजांचं नाव वापरून फक्त राजकीय अस्तित्व निर्माण केलं, पण योगीजी आपल्या कार्याचा देशाला अभिमान’
- ‘अमित शहांच्या दौऱ्यानंतर राज्यात भाजपचा मुख्यमंत्री असेल’
- आता एसबीआयचे रुपे जनधन कार्ड घ्या आणि मिळावा 2 लाख रुपयांपर्यंतचा लाभ
- टीम इंडियाला दुसरा धक्का, रोहित पाठोपाठ शुबमन गिल आऊट
- ‘सरकारी सवलतीला सोकावलेल्या सेलिब्रेटीनो जरा भान ठेवा, तुमचे बहुसंख्य फॉलोअर्स शेतकऱ्यांच्याच बाजूने’
