टीम महाराष्ट्र देशा : मुख्यमंत्री देवेंद्र फडणवीस यांच्या विमानप्रवासावरून महाराष्ट्र कॉंग्रेसने त्यांच्यावर निशाणा साधला आहे. मोदींना गुरुस्थानी माननाऱ्या फडणवीसांनी आपल्या गुरूची परंपरा पुढे चालवत विमानप्रवासावर कोट्यवधींची उधळपट्टी केली आहे. अशी टीका महाराष्ट्र कॉंग्रेसने केली आहे.
आगामी विधानसभा निवडणूक आवघ्या काही दिवसांवर येऊन ठेपली आहे. सर्व पक्षांचे एकमेकांविरोधात आरोप प्रत्यारोप सुरु आहेत, याचदरम्यान महाराष्ट्र कॉंग्रेसने मुख्यमंत्री फडणवीस यांचे २०१८ आणि २०१९ च्या विमानप्रवासाच्या खर्चावरून निशाणा साधला. विमानप्रवासावर सर्वात जास्त खर्च २०१८-१९ मध्ये झाला असे म्हणत याकाळात लोकसभेच्या निवडणुका असल्यामुळे फडणवीसांनी सरकारी पैशातून विमानप्रवास करून पक्षाचा प्रचार तर केला नाही ना? असा सवाल कॉंग्रेसने केला.
इतकेच नव्हे तर, मोदींना गुरुस्थानी माननाऱ्या फडणवीसांनी आपल्या गुरूची परंपरा पुढे चालवत विमानप्रवासावर कोट्यवधींची उधळपट्टी केली अशी टीकाही कॉंग्रेसने केली आहे. महाराष्ट्र कॉंग्रेसच्या ट्विटर अकाउँट वर ट्विट करत ही टीका केली आहे.
