बीड – राष्ट्रवादी काँग्रेसचे नेते तथा मंत्री धनजंय मुंडे यांच्यावर महिलेने केलेल्या आरोपामुळे ते अडचणीत सापडले आहेत. त्यांच्या पक्षातील काही नेते या प्रकणावर मौन बाळगून आहेत. तर काहींनी हे त्यांचे वैयक्तिक प्रकरण असल्याचे सांगत अधिक भाष्य करणे टाळलेय. राष्ट्रवादीने त्यांची अप्रत्यक्षरित्या पाठराखण केल्याचे पाहायला मिळतेय. यानंतर बीडमधील धनजंय यांचे सहकारी आमदार संदीप क्षीरसागर यांनी धनजंय मुंडे यांचे जाहीरपणे समर्थन केले आहे.
“आमच्या धनुभांऊ वर आमचा पूर्ण विश्वास आहे” असे म्हणत संदीप यांनी सोशल मीडियावर पोस्ट लिहिली आहे. त्यात म्हटले आहे की, ‘प्रतिवर्षी सर्वधर्मीय सार्वजनिक विवाह सोहळ्याचे आयोजन करून त्या सोहळ्यातील सर्व मुलींच्या पाठीशी भावाप्रमाणे उभा राहणाऱ्या धनुभाऊंवर असले नीच आरोप करण्यात आले हे घृणास्पद आहे, या आरोपांचा व आरोप करणाऱ्यांचा मी निषेध करतो. वेळ कोणती ही असो आम्ही संघर्षयोध्या सोबत आहोत.’
https://www.facebook.com/MLASandeepKshirsagar/posts/4283063845041497
दरम्यान, पक्षाकडून धनंजय मुंडे यांना तुर्तास दिलासा मिळाला आहे. राष्ट्रवादी काँग्रेस पक्षाकडून त्यांचा राजीनामा घेतला जाणार नाही. धनंजय मुंडे यांच्यावर आरोप झाल्यानंतर पक्षीय पातळीवर निर्णय घेण्यासाठी राष्ट्रवादीने मुंबईत बैठक घेतली. त्यानंतर हा निर्णय घेण्यात आल्याचे सांगण्यात आले.
महत्वाच्या बातम्या
- हेगडेंचे आरोप बोगस, तर मुंडेंवर एफआयआर दाखल करण्यापासून विचलित केलं जातंय – रेणू शर्मा
- राजकीय गोटात खळबळ : विश्वास नांगरे पाटील पवारांच्या भेटीनंतर मुख्यमंत्र्यांच्या भेटीला
- कोणाच्या जाण्याने भाजपला फरक पडत नाही; महाजनांचा खडसेंना अप्रत्यक्ष टोला
- ज्येष्ठ शास्त्रज्ञ पद्मश्री डॉ. रोहिणी गोडबोले यांचे उपमुख्यमंत्री अजित पवार यांच्याकडून अभिनंदन
- धनंजय मुंडे यांना पक्षाकडून दिलासा, तुर्तास राजीनामा नाही
