🕒 1 min read
मुंबई : शिवसंग्राम संघटनेचे अध्यक्ष विनायक मेटे यांच्या गाडीचा भीषण अपघात होऊन त्यांचे निधन झाल्याची घटना घडली आहे. तसेच सकाळी ५.३० वाजताच्या सुमारास मुंबई-पुणे द्रुतगती मार्गावरील माडप बोगद्याजवळ हा अपघात झाल्याची माहिती मिळत आहे. अपघातात ते गंभीर जखमी झाले होते. त्यानंतर त्यांना पनवेलच्या एमजीएम रुग्णालयात दाखल करण्यात आले होते. तेथे त्यांना मृत घोषित करण्यात आले. यानंतर विनायक मेटेंच्या निधनावर आता राजकीय वर्तुळातून हळहळ व्यक्त केली जात आहे. भाजपचे प्रदेशाध्यक्ष चंद्रशेखर बावनकुळे यांनी देखील प्रतिक्रिया देत दुःख व्यक्त केले आहे.
“विनायक मेटे हे गेल्या अनेक वर्षांपासून मराठा आरक्षणाची लढाई लढत होते. त्यांनी सातत्याने त्यांचं काम सुरु ठेवलं. मराठा आरक्षणासाठी त्यांनी स्वतःच पूर्ण आयुष्य पणाला लावलं. विनायक मेटेंच्या निधनाने महाराष्ट्राची मोठी हानी झाली आहे. कालच मला त्यांचा फोन आला होता. भाजपच्या प्रदेशाध्यक्ष पदी निवड झाल्याबद्दल त्यांनी मला शुभेच्छाही दिल्या. भाजप आणि शिवसंग्राम नेहमीच सोबत राहतील, असा विश्वास त्यांनी मला दिला होता. कालच आमचं बोलणं झालं आणि आज त्यांच्या अचानक त्यांच्या निधनाची बातमी आली, खरंच यावर विश्वासच बसत नाहीये.”, अशी प्रतिक्रिया बावनकुळे यांनी दिली.
या दुःखद बातमीवर विश्वास ठेवायला माझे मन अजूनही धजावत नाही. विनायकराव मेटे यांच्या निधनाने मी माझा कौटुंबिक मित्र गमावला आहे. माझे फार मोठे वैयक्तिक नुकसान झाले आहे. हे नुकसान कधीच भरून निघणार नाही. pic.twitter.com/slToRgIOA2
— Chandrashekhar Bawankule (@cbawankule) August 14, 2022
मदत मिळालीच नाही
मेटे यांचे सहकारी एकनाथ कदम हेदेखील त्यांच्यासोबत होते. त्यांनी या अपघाताबद्दल बोलताना सांगितलं, की एका ट्रकने कट मारल्याने बीडकडून मुंबईकडे येताना मुंबई-पुणे एक्सप्रेसवर हा अपघात झाला. अपघातानंतर एक तास मदत मिळाली नाही. यानंतर 100 नंबरवर अनेकदा फोन केला. मात्र या नंबरवरील फोनही उचलला गेला नाही. मदतीसाठी अनेकदा कदम विनवणी करत होते. मात्र, कोणीही गाडी थांबवली नाही, अशी माहिती कदम यांनी दिली.
महत्वाच्या बातम्या:
- Vinayak Mete Accident | मेटेंचा अपघात की घातपात?, संपूर्ण अपघात प्रकरणाची चौकशी केली जाईल; शिंद-फडणवीसांचे आश्वासन
- Vinayak Mete: ‘मदत मागत होतो पण कोणी आलं नाही’; मेटेंच्या ड्रायव्हरचा गंभीर आरोप
- Vinayak Mete Passes Away। मराठा समाजाच्या आरक्षणासाठी सातत्यानं संघर्ष करणारा नेता हरपला – मुख्यमंत्री एकनाथ शिंदे
- Vinayak Mete Accident | विनायक मेटेंच्या निधनाचे दु:ख हे शब्दामध्ये सांगण्यासारखे नाही – विनोद तावडे
- Vinayak Mete Passes Away। शिवसंग्रामचे नेते विनायक मेटे यांचं कार अपघातात अकाली मृत्यू!
बातम्यांसाठी YouTube चॅनेल Subscribe करा
Subscribe Now
