नवी दिल्ली : अमरावती लोकसभा मतदारसंघाच्या खासदार नवनीत राणा यांना लोकसभेत शिवसेनेच्या विरोधात बोलल्यामुळे जिवे मारण्याची धमकी देण्यात आली आहे. विशेष म्हणजे सत्ताधारी शिवसेनेच्या लेटरहेडवर ही धमकी लिहिली गेली आहे. खासदारांनी याबाबत शिवसेनेच्या बड्या नेत्यावर आरोप ठेवत उत्तर एव्हेन्यू पोलिस ठाण्यात एफआयआर दाखल केली असल्याची माहिती मिळत आहे.
एफआयआरमधील खासदार नवनीत राणा म्हणाल्या आहेत की आम्हाला शंका आहे की शिवसेनेचा एक बडा नेता आणि शिवसेनेचे माजी खासदार यांनी हे पत्र पाठवले आहे. अशा प्रकारची धमकी एका खासदाराला येणे हे लोकशाहीसाठी मुळीच चांगले नाहीत. तसेच अश्लील शब्द वापरुन धमकी देणारे फोन कॉल देखील केले जात आहेत. कोणत्याही सामान्य स्त्रीविरूद्ध हा गंभीर गुन्हा आहे. अशा प्रकारची भूमिका त्यांनी मांडली आहे.
नवनीत राणा या लोकसभेत विविध मुद्द्यांवरून महाराष्ट्रातील सत्तेत असणाऱ्या शिवसेनेवर टीका करत असतात. ८ फेब्रुवारी रोजी देखील नवनीत राणा यांनी राज्यातील स्थितीवरून ठाकरे सरकारवर निशाणा साधला. या टीकेनंतर नवनीत राणा यांना एक पत्र आलं, ज्यामध्ये थेट जीव मारण्याची धमकी देण्यात आली होती.
‘८ दिवसांत माफी मागा नाहीतर तुमच्यावर अ‍ॅसिड टाकून जीवे मारू,’ अशा आशयाचं एक पत्र नवनीत राणा यांना त्यांच्या नॉर्थ एव्हेन्यू येथील घरी आलं होतं. या पत्रानंतर राजकीय क्षेत्रात चांगलीच खळबळ उडाली आणि त्यानंतर १४ फेब्रुवारी रोजी पोलिसांनी याप्रकरणी तक्रार दाखल करून घेत तपास सुरू केला आहे.
महत्वाच्या बातम्या
- भविष्यात शिवसेना देशाचं नेतृत्व करेल; उद्धव ठाकरेंनी व्यक्त केला विश्वास
- ‘काँग्रेसचा खोटारडेपणा असाच सुरु राहिला तर काँग्रेस इतिहासजमा व्हायला वेळ लागणार नाही’
- संजय राठोडांनी राजीनामा दिला ही माहिती चुकीची; संजय राऊत यांचं स्पष्टीकरण
- ‘रिहानाने आमच्या हिंदू दैवताची खिल्ली उडवली, ते अतिशय नीच कृत्य आहे’
- फासे पलटणार ? आमचा ज्योतिष विद्येवर विश्वास नाही; मलिकांची फडणवीसांवर टीका
