मुंबई : अभिनेत्री तेजस्विनी पंडित (Tejaswini Pandit) तिच्या भरदस्त अभिनयामुळे सर्वपरिचित आहे. मात्र सध्या एका व्हिडिओमुळे चर्चेत आली आहे. तिने तिच्या इन्स्टाग्राम अकाऊंटवर नुकताच एक व्हिडीओ पोस्ट केला आहे. ‘मी लिपस्टिकचं समर्थन करत नाही, बॅन लिपस्टिक’ असं ती या व्हिडीओत म्हणताना दिसतेय. मात्र ती असं का म्हणतेय, हाच प्रश्न नेटकऱ्यांना पडला आहे.
या व्हिडीओत तेजस्विनी तिच्या ओठांना लावलेली लिपस्टिकही पुसून टाकते. कॅप्शनमध्ये #BanLipstick असा हॅशटॅग देत तिने हा व्हिडीओ पोस्ट केला आहे. या व्हिडीओवर अनेकांनी तिला प्रश्न विचारले आहेत. दरम्यान दिग्दर्शक संजय जाधव यांनी तेजस्विनीला सवाल केला, ‘क्या हुआ भाई?’ तर काहींनी कमेंट्स करत हे एखाद्या चित्रपटाच्या प्रमोशन असू शकतं असा अंदाज वर्तवला आहे. ‘नेमकं काय झालंय’, असाही सवाल अनेकांनी तेजस्विनीच्या या व्हिडीओवर केला आहे. तर ‘चांगला उपक्रम आहे, याचं जोरदार प्रमोशन करा’, असंही एका युजरने म्हटलंय. तेजस्विनीने हा व्हिडीओ का पोस्ट केला आणि ती बॅन लिपस्टिक असं का म्हणतेय, याचं उत्तर आता तिच देऊ शकेल. मात्र तिच्या या व्हिडीओने सोशल मीडियावरील नेटकऱ्यांमध्ये चर्चा घडवून आणली आहे.
https://www.instagram.com/reel/CXBVQRaI-kY/?utm_source=ig_web_copy_link
नुकतेच काही दिवसांपूर्वी तेजस्विनीने तिच्या वडिलांच्या जन्मदिनानिमित्त सोशल मीडियावर एक पोस्ट लिहिली होती. ‘कॅमेराचं महत्व मला कळायच्या आधीच त्याने एक्झिट घेतली,’ असं म्हणत तिने दिवंगत वडिलांच्या आठवणींना उजाळा दिला. तेजस्विनीने ‘अगं बाई अरेच्चा’ या चित्रपटातून पदार्पण केलं. ‘मी सिंधूताई सपकाळ’, ‘तु ही रे’, ‘ये रे ये रे पैसा’ यांसारख्या चित्रपटांमध्ये तिने दमदार भूमिका साकारल्या आहेत. आता तिच्या व्हिडिओमुळे तिच्याबद्दल चर्चा रंगत आहेत.
महत्वाच्या बातम्या
- ‘मोदींच्या पक्षाला एनडीएची गरज नाही, पण विरोधकांना यूपीएची गरज आहे’
- यूपीए’ नेतृत्वाचा दैवी अधिकार कोणाचा ते येणारा काळ ठरवेल-शिवसेना
- ‘लस नाही तर बस नाही,डोकं आहे पण मेंदू नाही’ संदीप देशपांडेंचा खोचक टोला
- चाळीशीच्या पुढील नागरिकांना बुस्टर डोस द्या; वरिष्ठ शास्त्रज्ञांची केंद्राकडे शिफारस
- काँग्रेसने लोकसभेत शंभरी पार केल्याशिवाय राष्ट्रीय पातळीवरील ‘गेम चेंज’ होणार नाही- शिवसेना
