मुंबई : राज्याचे सामाजिक न्यायमंत्री धनंजय मुंडे यांना करोनाची लागण झाल्याचे स्पष्ट झाले आहे. मुंडे यांच्या स्वीय सहाय्यकासह अन्य कर्मचारीही बाधित असल्याचे समोर आले आहे. राज्य मंत्रिमंडळाच्या बुधवारच्या बैठकीत मुंडे सहभागी झाले होते.
याआधी गृहनिर्माणमंत्री जितेंद्र आव्हाड आणि सार्वजनिक बांधकाममंत्री अशोक चव्हाण यांना करोनाची लागण झाली होती. या दोन्ही मंत्र्यांनी करोनावर मात केली आहे.
धनंजय मुंडे यांची कोरोना चाचणी पॉझिटिव्ह आली आहे. काल रात्री ही माहिती आमच्यापर्यंत पोहोचली आहे. ते मुंबईत कॅबिनेट बैठकीला गेले होते. त्यानंतर त्यांना कोरोनाची लागण झाल्याचं समोर आलं आहे. अशी माहिती बीडचे जिल्हाधिकारी राहुल रेखावार यांनी दिली आहे. धनंजय मुंडे यांच्या संपर्कात आलेल्या व्यक्तींची माहिती घेण्यासाठी प्रशासन कामाला लागलं आहे, असंही त्यांनी सांगितलं आहे.
धनंजय मुंडे यांच्या संपर्कातील काही मंत्री सेल्फ क्वारंटाईन
दरम्यान, 10 जून रोजी झालेल्या राष्ट्रवादीच्या वर्धापन दिन कार्यक्रमाला धनंजय मुंडे यांनी हजेरी लावली होती. त्यावेळी ते राष्ट्रवादीच्या अनेक नेत्यांच्या संपर्कात आले होते. वर्धापन दिन आणि राज्य मंत्रिमंडळाच्या बैठकीत धनंजय मुंडे यांच्याशी संपर्क आल्याने ठाकरे सरकारमधील काही मंत्र्यांनी स्वत:ला क्वारंटाईन केलं आहे.
दरम्यान, बीड जिल्हा परिषदेचे उपाध्यक्ष आणि शिक्षण व आरोग्य सभापती बजरंग सोनावणे यांनी धनंजय मुंडे यांनी लवकर बरे होण्यासाठी सदिच्छा व्यक्त केल्या आहे. काळ कसोटीचा आहे पण कसोटीला सांगा वारसा संघर्षाचा आहे. आपण लवकर बरे होवोत ही आई तुळजाभवानी चरणी प्रार्थना. अस म्हणत बजरंग सोनावणे यांनी मुंडे यांनी लवकर बर होण्यासाठी प्रार्थना केली आहे.
मुख्यमंत्री कलाकार आहेत पण मला ते त्यांची कला शिकवत नाहीत – राज्यपाल
बातम्यांसाठी YouTube चॅनेल Subscribe करा
Subscribe Now
