औरंगाबाद मनपाचा दणका! ‘याठिकाणी’ नालेसफाईवर झालेला खर्च व्यावसायिकांकडून वसूल करणार

🕒 1 min read

औरंगाबाद : गुलमंडी परिसरात औषधी भवन जवळ असलेल्या इमारतीखालील नाल्याच्या स्वच्छतेवर यंदा महापालिकेने तब्बल सात लाख रुपयांचा खर्च केला आहे. त्यामुळे हा खर्च आता औषधी भवन इमारतीत गाळे असलेल्या केमिस्ट अ‍ॅण्ड ड्रगीस्ट संघटनेकडून वसूल करण्याचा निर्णय पालिकेने घेतला आहे. त्याअनुषंगाने नुकतीच खर्च वसुलीची नोटीस केमिस्ट अ‍ॅण्ड ड्रगीस्ट असोसिएशनला पालिकेने बजावली आहे.

दरवर्षी नाल्यांच्या स्वच्छतेवर कंत्राटदारांकडून होणारा कोटींचा खर्च टाळण्यासाठी पालिका प्रशासक तथा आयुक्त आस्तिककुमार पांडेय यांनी प्रत्येक प्रभाग कार्यालयामार्फतच त्या-त्या भागातील नाल्यांची स्वच्छता करुन घेण्याचे ठरवले. नियोजनानुसार पालिका प्रशासनाने पावसाळ्यापुर्वी शहरात नाल्यांच्या स्वच्छतेच्या कामांना सुरुवात केली. सोबतच नाल्यावरील टोलेजंग इमारत मालकांनी त्या इमारती खालील नाल्याची स्वच्छता करुन घेण्याच्या सुचनाही केल्या.

मात्र अनेक दिवस प्रतिक्षा करुनही औषधी भवन केमिस्ट अ‍ॅण्ड ड्रगिस्ट असोसिएशनने याकडे दुर्लक्ष केले. त्यामुळे पावसाळा तोंडावर आल्याने अखेर पालिकेनेच या नाल्याची स्वच्छता करुन घेतली. यासाठी लागलेला खर्च वसुली करण्यासाठी आता पालिकेच्या मालमत्ता विभागामार्फत केमिस्ट अ‍ॅण्ड ड्रगिस्ट असोसिशएनला नोटीस बजावण्यात आली आहे, अशी माहिती कार्यकारी अभियंता बी.डी. फड यांनी दिली.

महत्त्वाच्या बातम्या

• पाच दिवसात ६० हजार औरंगाबादकरांचे लसीकरण, शहरात ४ लाखांचा टप्पा पूर्ण!
• फर्दापूरात ओबीसी आरक्षणासाठी भाजपचे रास्तारोको आंदोलन
• ‘सौ चुहे खाके बिल्ली हज को चली’, भाजपच्या आंदोलनावर जयंत पाटलांचे टीकास्त्र
• मंत्री भुजबळांची फडणवीसांना खुली ऑफर’, म्हणाले, ‘ओबीसींचे नेतृत्व करा आणि..’
• ‘संघर्षाची भावना तुटू देऊ नका ; ओबीसींच्या पाठीमागे भाजप खंबीरपणे उभी’