मुंबई : शिवसेना खासदार संजय राऊत हे सध्या गोव्यात असून आगामी विधानसभा निवडणुकीच्या पार्श्वभूमीवर राऊतांनी काँग्रेसच्या प्रमुख नेत्यांची भेट घेतली आहे. त्यामुळे पुन्हा एकदा राजकीय वर्तुळात चर्चांना उधाण आले आहे.
याच पार्श्वभूमीवर भाजप नेते अतुल भातखळकर यांनी महाविकास आघाडी सरकारवर निशाणा साधत टीकास्त्रांचा वर्षाव केला आहे. यासंदर्भात भातखळकरांनी ट्विट केले असून ट्विटमध्ये ते म्हणाले आहेत की,’गोव्यात महाराष्ट्राप्रमाणे महाविकास आघाडी सारखा प्रयोग करायचा म्हणजे निवडणुकीपूर्वी भाजपशी युती करायची. मोदीजींच्या नावावर मते मागायची आणि निवडणुकीनंतर भाजपचा विश्वासघात करायचा. पण हे आता शक्य नाही. तुमचे रंग पाहिलेत आम्ही’, असे भातखळकर म्हणाले आहेत.
गोव्यात महाराष्ट्रा प्रमाणे महाविकास आघाडी सारखा प्रयोग करायचा म्हणजे निवडणुकीपूर्वी भाजपशी युती करायची. मोदीजींच्या नावावर मते मागायची आणि निवडणुकीनंतर भाजपचा विश्वासघात करायचा. पण हे आता शक्य नाही. तुमचे रंग पाहिलेत आम्ही. pic.twitter.com/gtdSl9Zubk
— Atul Bhatkhalkar (@BhatkhalkarA) January 4, 2022
दरम्यान, काँग्रेस नेत्यांच्या भेटीसंदर्भात संजय राऊत यांनी ट्विट केले असून ट्विटमध्ये ते म्हणाले आहेत की,’आज गोव्यात काँग्रेसच्या प्रमुख नेत्यांबरोबर आगामी विधानसभा निवडणुकी बाबत चर्चा झाली. दिनेश गुंडू राव, दिगंबर कामत आणि गिरीश चोडणकर तसेच माझे सहकारी जीवन कामत जितेश कामत उपस्थित होते. गोव्यात महाराष्ट्रा प्रमाणे महविकास आघाडीचा प्रयोग करता येईल का ? यावर चर्चा झाली’, असे राऊत यांनी सांगितले आहे.
महत्त्वाच्या बातम्या
- संजय राऊतांनी गोव्यात घेतली काँग्रेसच्या प्रमुख नेत्यांची भेट; राजकीय वर्तुळात चर्चांना उधाण
- पुणे जिल्हा बँकेची आज मतमोजणी; अजित पवारांची प्रतिष्ठा पणाला
- अरविंद केजरीवाल यांना कोरोनाची लागण; ट्विट करत दिली माहिती
- ‘..तरी चीनचे राष्ट्राध्यक्ष पंतप्रधानांबरोबर फाफडा, ढोकळा खाताना दिसतील’, संजय राऊतांचा टोला
- ‘…पण अखेर त्याने मला गाठलंच’, पॉझिटिव्ह आल्यानंतर रोहित पवार यांची भावनिक पोस्ट
