‘माफी मागितली की आपण नवीन घोळ घालायला मोकळे असंच ना?’, भातखळकरांचे टीकास्त्र

🕒 1 min read

मुंबई : म्हाडाच्या (MHADA exam) परीक्षेत घोटाळा झाल्याचे निष्पन्न झाल्यानंतर या परीक्षा रद्द करण्यात आल्या होत्या. त्यानंतर या परीक्षांचे नवीन वेळापत्रक जाहीर झाले. त्यानुसार क्लस्ट ६ मधील सहायक, वरिष्ठ लिपिक, कनिष्ठ लिपिक-टंकलेखक या संवर्गाकरीला २९ आणि ३० जानेवारी २०२२ रोजी ऑनलाइन परीक्षा होणार होती. परंतु २९ जाने. रोजीच एमपीएससीची परीक्षादेखील होणार आहे. त्यामुळे विद्यार्थ्यांची माफी मागत गृहनिर्माणमंत्री जितेंद्र आव्हाड(Jitendra Awhad) यांनी एक दिवशीची परीक्षा पुढे ढकलण्यात येणार असल्याची माहिती दिली आहे. याच पार्श्वभूमीवर भाजप नेते अतुल भातखळकर यांनी आव्हाडांवर निशाणा साधत टीकास्त्रांचा वर्षाव केला आहे.

यासंदर्भात भातखळकरांनी ट्विट केले असून ट्विटमध्ये ते म्हणाले आहेत की,’म्हाडा परीक्षेच्या तारखेत बदल केल्याबद्दल जितेंद्र आव्हाडांनी विद्यार्थ्यांची माफी मागितली आहे. प्रत्येक परीक्षेत घोळ घालायचे आणि नंतर निर्लज्जपणे विद्यार्थ्यांची माफी मागायची.’ तसेच माफी मागितली की आपण नवीन घोळ घालायला मोकळे असंच ना?, असा खोचक सवालही भातखळकरांनी केला आहे.

म्हाडा परीक्षेच्या तारखेत बदल केल्याबद्दल जितेंद्र आव्हाडांनी विद्यार्थ्यांची माफी मागितली आहे.
प्रत्येक परीक्षेत घोळ घालायचे आणि नंतर निर्लज्जपणे विद्यार्थ्यांची माफी मागायची. माफी मागितली की आपण नवीन घोळ घालायला मोकळे असंच ना? pic.twitter.com/Su6Cd6A0cM

— Atul Bhatkhalkar (@BhatkhalkarA) January 4, 2022

दरम्यान, जितेंद्र आव्हाड यांनी सांगितले आहे की,’म्हाडाच्या परीक्षा जाहीर झाल्या आहेत. पण एका तारखेत बदल करावा लागणार आहे. महाराष्ट्र लोकसेवा आयोगाने एक परीक्षा रद्द केली आहे. महाराष्ट्र लोकसेवा आयोग आणि म्हाडाच्या प्राधिकरणाची परीक्षा एकाच दिवशी आली आहे. खरंतर एमपीएससीने तपासायला पाहिजे होते. कुठल्या विभागाने कुठल्या ठिकाणी परीक्षा जाहीर केली आहे. त्यामुळे यावर वाद न घालता. एक दिवशीची परीक्षा पुढे ढकलण्यात आली आहे.’

महत्त्वाच्या बातम्या

• संजय राऊतांनी गोव्यात घेतली काँग्रेसच्या प्रमुख नेत्यांची भेट; राजकीय वर्तुळात चर्चांना उधाण
• पुणे जिल्हा बँकेची आज मतमोजणी; अजित पवारांची प्रतिष्ठा पणाला
• अरविंद केजरीवाल यांना कोरोनाची लागण; ट्विट करत दिली माहिती
• ‘..तरी चीनचे राष्ट्राध्यक्ष पंतप्रधानांबरोबर फाफडा, ढोकळा खाताना दिसतील’, संजय राऊतांचा टोला
• ‘…पण अखेर त्याने मला गाठलंच’, पॉझिटिव्ह आल्यानंतर रोहित पवार यांची भावनिक पोस्ट