मोदींच्या नावाच्या घोषणा देत अमेरिकेत भारतीयांनी केले मोठ्या जल्लोषात पंतप्रधानांचे स्वागत

अमेरिका : पंतप्रधान नरेंद्र मोदी सध्या तीन दिवसीय अमेरिका दौऱ्यावर गेले आहेत. मोदींनी एअर इंडिया वन या विशेष विमानाने भारतातून अमेरिकेकडे रवाना झाले होते. भारताच्या वेळेनुसार आज सकाळी चार वाजेच्या ते अमेरिकेची राजधानी वॉशिंग्टनमध्ये दाखल झाले. मोदी विमानतळावर येताच भारतीयांनी त्यांचे मोठ्या जल्लोषाने आणि उत्साहाने स्वागत केले. स्वतः पंतप्रधानांनी यासंदर्भातील फोटोज सोशल मीडियावर शेअर केले आहेत. कोरोना प्रादुर्भावानंतर बांगलादेशचा दौरा सोडला तर पंतप्रधानांचा हा पहिलाच दौरा आहे. अमेरिकन अधिकाऱ्यांसह भारताचे अमेरिकेतील दूत तरनजीत सिंग संधू यांनी देखील मोदींचे स्वागत केले.

Grateful to the Indian community in Washington DC for the warm welcome. Our diaspora is our strength. It is commendable how the Indian diaspora has distinguished itself across the world. pic.twitter.com/6cw2UR2uLH

— Narendra Modi (@narendramodi) September 22, 2021

दौऱ्याला रवाना होतांना बुधवारी(२२ सप्टें.)मोदी म्हणाले होते की, अमेरिका भेटीत आपण भारत आणि अमेरिका यांच्यातील धोरणात्मक भागीदारीवर आधारित संबंध अधिक दृढ करणार असून जपान व ऑस्ट्रेलिया यांच्याबरोबरचे संबंधही मजबूत करण्यासाठी प्रयत्न केले जातील’.

US: Prime Minister Narendra Modi arrives at Joint Base Andrews, Washington DC for his 3-day visit.

He will be attending the first in-person Quad Leaders’ Summit, hold bilateral meetings, & address United Nations General Assembly pic.twitter.com/CzU3qabCVT

— ANI (@ANI) September 22, 2021

दरम्यान, अमेरिकेचे राष्ट्राध्यक्ष जो बायडेन यांनी आयोजित केलेल्या कोविड १९ शिखर बैठकीस मोदी उपस्थित राहणार असल्याचे परराष्ट्र सचिव हर्षवर्धन शृंगला यांनी सांगितले असून अफगाणिस्तानचा मुद्दा हा मोदी व बायडेन यांच्या द्विपक्षीय चर्चेत महत्त्वाचा असेल असेही त्यांनी स्पष्ट केले आहे. तसेच २४ सप्टें. ला सायंकाळी मोदी हे आमसभेच्या अधिवेशनासाठी न्यूयॉर्कला रवाना होणार आहेत. तसेच ते अमेरिकेतील मोठ्या कंपन्यांच्या मुख्य कार्यकारी अधिकाऱ्यांनाही भेटणार आहेत.

महत्त्वाच्या बातम्या

• राज्यपाल सरकारी पैशावर पोसलेले हत्ती, महाराष्ट्राला चूड लावाल तर…; सामनातून राऊतांचा इशारा
• पुढचा जन्म रस्ते कॅान्ट्रॅक्टरचा मिळुदे बाबा!; हेमंत ढोमे रस्त्यावरील खड्ड्यांना वैतागला
• बहुसदस्यीय प्रभाग पद्धतीचा राजकीय लाभ कोणाला होणार ?
• ठरलं ! स्थानिक स्वराज्य संस्थांच्या निवडणुका कुठे बहुसदस्यीय तर कुठे एक सदस्यीय
• पुण्यात उभं राहणार साखर संग्रहालय; राज्य सरकारचा मंत्रिमंडळ बैठकीत निर्णय