मुंबई : महाविकास आघाडी सरकार बरखास्त करत, एकनाथ शिंदे यांनी भाजप पक्षासोबत युती करून राज्यात सरकार स्थापन केलं. शिंदे-फडणवीस सरकार (Sate Government) होऊन आता जवळजवळ तीन महिने होऊन गेले आहेत. परंतू या सरकारवर राज्यातील अनेक जिल्ह्यांमध्ये महाविकासआघाडी सरकारने दिलेला निधी रद्द करण्यात येत असल्याचा आरोप होत आहे. याच पार्श्वभूमीवर राष्ट्रवादी काँग्रेस पक्षाचे नेते आणि विरोधी पक्षनेते अजित पवार (Ajit Pawar) यांनी शिंदे-फडणवीस सरकारवरला इशारा दिला आहे.
काय म्हणाले अजित पवार ?
भविष्यातील नवे सरकारही जुन्या सरकारकडे बोट दाखवत हा पायंडा कायम ठेवतील. त्याची किंमत सर्वांनाच मोजावी लागेल, असं म्हणत अजित पवार यांनी शिंदे-फडणवीस सरकारला एकप्रकारे इशाराच दिला आहे.अजित पवारांनी प्रसार माध्यमांशी संवाद साधला, त्यावेळी ते बोलत होते.
सरकार येत असतात, सरकार जात असतात. त्यामुळे मागच्या सरकारने दिलेला निधी रद्द करण्याचे पायंडे पडायला नकोत. महाराष्ट्राची ही संस्कृती नाही, असं अजित पवार यांनी म्हटलं आहे. तसेच निधी अडवण्याच्या विरोधात काही नेत्यांनी न्यायालयात दाद मागितल्याची माहितीही अजित पवारांनी दिली आहे.
दरम्यान, राज्य सरकारने काही दिवसांआधी पुणे जिल्ह्यातील महाविकासआघाडी सरकारच्या काळातील 50 कोटींच्या विकासकामांना स्थगिती दिली आहे. राज्य सरकारने ज्या कामांच्या निविदा प्रक्रिया झालेल्या नाहीत, तसेच निविदा प्रक्रिया झाली मात्र काम सुरू करण्याचे आदेश नाहीत, अशी सर्व कामे स्थगित करण्याचे आदेश दिले आहेत. या आदेशानुसार स्थानिक निधी विकास कार्यक्रम अंतर्गत मंजूर झालेली कामे रद्द करण्यात आली आहेत.
महत्वाच्या बातम्या :
- Girish Mahajan | “आपल्याला पोलीस सुरक्षा मिळावी म्हणून खडसे…” गिरीश महाजनांचा एकनाथ खडसेंबाबत मोठा गौप्यस्फोट
- Narayan Rane | ‘शेंबडा मुलगा’ उल्लेख करत नारायण राणेंचा आदित्य ठाकरेंवर हल्ला
- Prakash Ambedkar | अंधेरी पोट निवडणुकीत प्रकाश आंबेडकरांचा पाठिंबा कोणाला?, म्हणतात…
- Uddhav Thackeray | “उद्धव ठाकरेंना मशाल नाही, आईस्क्रीमचा कोन दिलाय”, नितेश राणेंच्या वक्तव्यावर सेनेचा पलटवार
- T20 World Cup । T20 विश्वचषकापूर्वी रोहित शर्मा आणि विराट कोहली चांगल्या फॉममध्ये, प्रॅक्टिस मॅचमधील व्हिडीओ व्हायरल
बातम्यांसाठी YouTube चॅनेल Subscribe करा
Subscribe Now
