राज्यात गृह खातं अस्तित्वात आहे की नाही? अजितदादांचा सवाल

टीम महाराष्ट्र देशा : मुंबईतल्या कफ परेड भागात एका १३ वर्षांच्या अल्पवयीन मुलीवर सामूहिक बलात्काराची घटना घडली आहे. या मुलीच्या शेजारी राहणाऱ्या तीन नराधमांनीच तिच्यावर सामूहिक बलात्कार केला. १० जून रोजी ही घटना घडली जी आज उघडकीस आली. हे तिघेही नराधम फरार आहेत. पोलीस त्यांचा शोध घेत आहेत. याप्रकरणी POCSO अंतर्गत गुन्हा नोंदवण्यात आला आहे. पोलीस फरार आरोपींचा शोध घेत आहेत. याच घटनेवर संताप व्यक्त करत राज्याचे माजी उपमुख्यमंत्री अजित पवार यांनी सरकारवर निशाणा साधला आहे.

राज्यात गृह खातं अस्तित्वात आहे की नाही? ही घटना अत्यंत वेदनादायी आहे. वारंवार अल्पवयीन मुली आणि महिलांवर अत्याचाराच्या घटना घडत आहेत. असल्या नराधमांना कडक शासन केलं पाहिजे आणि त्यातून संदेश पोहोचायला हवा की, असली कूकर्म करणाऱ्यांची गय केली जाणार नाही ! अस ट्विट करत अजित पवारांनी मुख्यमंत्री देवेंद्र फडणवीस यांच्यावर जोरदार टीका केली आहे.

राज्यात गृह खातं अस्तित्वात आहे की नाही? ही घटना अत्यंत वेदनादायी आहे. वारंवार अल्पवयीन मुली आणि महिलांवर अत्याचाराच्या घटना घडत आहेत. असल्या नराधमांना कडक शासन केलं पाहिजे आणि त्यातून संदेश पोहोचायला हवा की, असली कूकर्म करणाऱ्यांची गय केली जाणार नाही! https://t.co/pQRxpOJbgG

— Ajit Pawar (@AjitPawarSpeaks) June 14, 2019