मुंबई : भाजपचे राज्यसभेचे खासदार उदयनराजे भोसले यांनी काही दिवसांपूर्वी दिल्लीत राष्ट्रवादी काँग्रेसचे अध्यक्ष शरद पवार यांची भेट घेतली होती. राष्ट्रवादीला रामराम ठोकल्यानंतर उदयनराजे हे पहिल्यांदाच शरद पवार यांच्या भेटीला गेल्यामुळे राजकीय क्षेत्रात चर्चांना उधाण आलं होतं. आता, उदयनराजे भोसले यांनी मुख्यमंत्री उद्धव ठाकरे यांची भेट घेतली आहे.
मुख्यमंत्र्यांचे शासकीय निवासस्थान असलेल्या वर्षा या बंगल्यावर दोन्ही नेत्यांची भेट झाली आहे. या भेटीमागचं नेमकं कारण अद्याप अस्पष्ट आहे. गेल्या काही काळापासून उदयनराजे हे मराठा समाजाच्या आरक्षण प्रश्नावरून राज्यातील विविध नेत्यांची भेट घेत आहेत. त्यामुळे मराठा समाजाच्या मागण्यांसाठीच उदयनराजेंनी उद्धव ठाकरे यांची भेट घेतल्याची शक्यता आहे.
पवार-उदयनराजे भेट –
गेल्या आठवड्यात शरद पवार यांच्या दिल्लीतील 6 जनपथ या निवासस्थानी दोन्ही नेत्यांची भेट पार पडली होती. ‘मराठा समाजातील सगळ्यात जेष्ठ नेते पवार साहेब आणि सध्याच्या सरकारचे सर्वेसर्वा पवार साहेब असल्याने त्यांनी लक्ष घालावे अन्यथा उद्रेक होईल आतापर्यंत शांततेत मोर्चे निघाले पण आता उद्रेक झाला तर काय होईल हे त्यांना देखील कळणार नाही,’ असा टोकाचा इशारा देखील खासदार उदयनराजे भोसले यांनी दिला होता.
तर, ‘मराठा समाजाला अनेक अडचणींचा सामना करावा लागत आहे. गायकवाड समितीने मराठा समाजाला कुणबीप्रमाणे आरक्षण द्यावे असे सांगितले होते. मात्र, अद्यापही मराठा समाजाला आरक्षण मिळालेलं नाही. मराठा आरक्षण उच्च न्यायालयात टिकलं मात्र सद्या सर्वोच्च न्यायालयात यावर सुनावणी सुरु आहे. सर्वोच्च न्यायालयात महाराष्ट्र शासन गंभीरतेने मुद्दा मांडत नाही त्यामुळे लोकांच्या मनात संभ्रम अवस्था निर्माण झालेली आहे.’ असं टीकास्त्र त्यांनी महाविकास आघाडी सरकारवर केली होती.
महत्त्वाच्या बातम्या
- स्वतंत्र भारतात प्रथमच ज्या महिलेला फाशी दिली जाणार आहे तिने जाणून घ्या काय केलाय गुन्हा !
- कुमारस्वामींनंतर आता सिद्धारामैय्यांचा देखील राम मंदिराला देणगी देण्याला विरोध
- टूलकिट प्रकरणात नवनवीन नावांचा समावेश; अनिता लाल पोलिसांच्या रडारवर
- शिवसेनेत प्रवेश केलेल्या राष्ट्रवादीच्या पाच नगरसेवकांना नोटिसा
- नामांकित उद्योजकाला महिलेसह दोघांची खंडणीची मागणी
