औरंगाबाद : खुलताबाद-औरंगाबाद महामार्गावर गेल्या चार वर्षांत ४४० अपघात झाले असून यातील अनेकांना उपचार न मिळाल्याने आपला जीव गमवावा लागला आहे. त्यामुळे अपघातातील जखमींना तत्काळ उपचार मिळावे यासाठी राष्ट्रवादी काँग्रेसचे नगरसेवक अयाज बेग यांनी खुलताबाद येथे ट्रामा केअर सेंटर उभारण्यात यावे. अशी मागणी निवेदनाद्वारे आरोग्य मंत्री राजेश टोपे यांच्याकडे केली आहे. खुलदाबाद ते औरंगाबाद अंतर २५ कि.मी. असल्याने रुग्णांना जीव गमवावा लागत आहे.
आरोग्य मंत्री राजेश टोपे यांनी नुकताच गंगापूर व वैजापूर तालुक्याच्या दौरा केला. यादरम्यान खुलताबाद नगरपालिकेचे नगरसेवक अयाज बेग यांनी मंत्री टोपे यांना निवेदन दिले. निवेदनात म्हटले आहे की, खुलताबाद तालुक्यातील जगप्रसिद्ध वेरूळ लेण्या, मिनी महाबळेश्वर सारखे व पर्यटन स्थळे असलेले म्हैसमाळ, सुलिभंजन दत्त मंदिर, शहरातील औरंगजेब यांची समाधी, जरजर बक्ष यांची दर्गा त्याचप्रमाणे भद्रा मारोती मंदिर, वेरूळ घृष्णेश्वर मंदिर असे धार्मिक क्षेत्र व पर्यटन स्थळे आहेत. यामुळे या तालुक्यात दररोज हजारो पर्यटकांसह शेकडो प्रवाशी औरंगाबाद-खुलताबाद महामार्गावरून प्रवास करत असतात.
तालुक्यातील रस्त्यावर रहदारी जास्त असल्याने नेहमी अपघात होत असतात. दरम्यान अपघात, दुर्घटना आपतकालीन परिस्थिती नंतर जखमींना लवकरात लवकर वैद्यकीय सेवा मिळावी या हेतुने खुलताबाद रुग्णालय येथे ट्राॅमा केअर सेंटरची आवश्यकता आहे. खुलताबाद येथे ट्रामा केअर सेंटर नसल्याने अपघात ग्रस्तांना व इतर रुग्णास तात्काळ आरोग्य सुविधा उपलब्ध होत नाही व गंभीर जखमींना उपचारासाठी औरंगाबाद घाटी येथे न्यावे लागलेले आहे. खुलताबाद शहरामध्ये ट्राॅमा केअर सेंटर, २४ तास डॉक्टर, आयसीयू, नर्सिंग होम, पॅथॉलॉजी लॅब, एक्सरे व इतर सोय सुविधा उपलब्ध करुन देण्यात याव्यात अशा मागण्या निवेदनात करण्यात आल्या आहेत.
महत्त्वाच्या बातम्या
- ‘महाविकास आघाडीच्या एकीवर काँग्रेसला विश्वास नाही का?’, ‘त्या’ भेटीवर सेना-राष्ट्रवादीत नाराजीची चर्चा
- ‘मोदी सरकारचे ओबीसींवरचं प्रेम बेगडी’, प्रा. हरी नरकेंचा आरोप
- ‘तुला काय फरक पडतोयं’; सामन्यापूर्वी केकेआरचा रोहितला न खेळण्याचा सल्ला
- काँग्रेसचे जेष्ठ नेते शरद रणपिसे यांचे पुण्यात निधन
- जॅकी उर्फ ‘जग्गुदादा’ची टपोरी भाषा ऐकायला मिळणार ; ‘बिग बी’सोबत चाहत्यांमध्ये उत्सुकता
बातम्यांसाठी YouTube चॅनेल Subscribe करा
Subscribe Now
