नवी दिल्ली : श्रीलंकेचाच नाही तर अवघ्या जगातील दिग्गज यॉर्करकिंग म्हणून नावलौकिक असलेल्या लसिथ मलिंगा याने सर्व प्रकारच्या आंतरराष्ट्रीय क्रिकेटमधून तडकाफडकी निवृत्ती घेतली आहे. यामुळे आता तो लीग क्रिकेट मध्ये देखील दिसणार नाही. काही दिवसांपूर्वीच त्याने तोंडावर आलेल्या टी-२० विश्वचषक स्पर्धेत खेळण्याची इच्छा व्यक्त केली होती. मात्र, श्रीलंका क्रिकेट बोर्डाने जाहीर केलेल्या संघात त्याला स्थान न मिळाल्याने त्याने आता तडकाफडकी सर्वच क्रिकेट प्रकारातून निवृत्ती जाहीर केल्याचं बोललं जात आहे.
याबाबत त्याने सोशल मीडियावर पोस्ट देखील केली आहे. मलिंगाने ट्वीट करून म्हटले, ‘मी आता क्रिकेटच्या प्रत्येक फॉरमॅटला निरोप देत आहे. ज्यांनी माझ्या प्रवासात मला साथ दिली त्यांचे आभार. आता मी येत्या काही वर्षांमध्ये माझे अनुभव युवा क्रिकेटपटूंसोबत शेअर करेन.’ यामुळे मलिंगाची खेळाडू म्हणून ‘इनिंग’ संपली असली तरी येत्या काळात तो प्रशिक्षकाच्या भूमिकेत पाहायला मिळण्याची शक्यता आहे.
Hanging up my #T20 shoes and #retiring from all forms of cricket! Thankful to all those who supported me in my journey, and looking forward to sharing my experience with young cricketers in the years to come.https://t.co/JgGWhETRwm #LasithMalinga #Ninety9
— Lasith Malinga (@malinga_ninety9) September 14, 2021
तब्बल 16 वर्षांच्या आंतरराष्ट्रीय क्रिकेट कारकिर्दीला मलिंगाने अलविदा म्हटलं आहे. त्याने 340 सामन्यांत 30 टेस्ट, 226 वनडे आणि 84 टी-20 सामने मलिंगाने खेळले. ज्यामध्ये एकूण 546 विकेट्स घेत त्याने आपला दबदबा निर्माण केला होता. आयपीएलमध्ये देखील त्याने मोठा चाहता वर्ग निर्माण केला होता. त्याच्या यॉर्करमुळे अनेक फलंदाजांचा थरकाप उडायचा. आयपीएलमध्ये त्याने मुंबई इंडियन्ससाठी अनेक सामन्यांमध्ये महत्वाची भूमिका पार पडल्याचे क्रिकेटरसिकांना पाहिले आहे.
मलिंगाने २०२० च्या मार्चमध्ये अखेरचा सामना खेळला होता. त्याने आयपीएल २०२० मधून आपले नावही मागे घेतले होते. दरम्यान त्याने टेस्टमध्ये 101, वनडेमध्ये 338 आणि टी20 मध्ये 107 विकेट्स घेतल्या आहेत.
महत्त्वाच्या बातम्या
- मराठा आरक्षणासाठी मुख्यमंत्र्यांचा ताफा अडवणार; मराठा क्रांती ठोक मोर्चाचा इशारा!
- अनिल देशमुखांना हायकोर्टाचा दणका; याचिका निकाली काढण्यास दिला नकार
- कपडे लाॅन्ड्रीत टाकले तरी भाजपवाले मनी लॉन्ड्रींग केस करतील आणि…; राऊतांनी उडवली खिल्ली
- विचित्र वक्तव्य करून भाजप नेते आपली संस्कृती दाखवण्याचा प्रयत्न करतायत; जयंत पाटलांची टीका
- माझा आणि राहुल गांधींचा एकमेकांच्या खांद्यावर हात – संजय राऊत
