मुंबई : भारतीय क्रिकेट संघाचा कर्णधार रोहित शर्मा सध्या इंग्लंडमध्ये १ जुलैपासून खेळल्या जाणार्या कसोटी सामन्याची तयारी करत आहे. रोहितने आंतरराष्ट्रीय क्रिकेटमध्ये १५ वर्षे पूर्ण केली असून यानिमित्ताने त्याने ट्विटरवर एक पत्र पोस्ट करत त्याच्या चाहत्यांचे आभार मानले आहेत. रोहितने २३ जून २००७ रोजी आयर्लंडविरुद्ध आंतरराष्ट्रीय क्रिकेटमध्ये पदार्पण केले. भारताने हा एकदिवसीय सामना एकतर्फी जिंकला. या सामन्यात रोहितला फलंदाजीची संधी मिळाली नाही.
रोहितने ट्विटरवर पोस्ट केलेल्या पत्रात लिहिले, ”आज मी आंतरराष्ट्रीय क्रिकेटमध्ये १५ वर्षे पूर्ण करत आहे. हा प्रवास आयुष्यभर जपत राहीन. माझ्या प्रवासाचा भाग असलेल्या सर्वांचे मी आभार मानू इच्छितो आणि विशेषत: त्यांचे आभार मानू इच्छितो, ज्यांच्यामुळे मी असा खेळाडू बनलो आहे. सर्व क्रिकेटप्रेमी, चाहते आणि समीक्षकांचे प्रेमच आम्हाला सर्व अडथळे पार करण्यास मदत करते.”
???????? ???????????????????? in my favourite jersey ???? pic.twitter.com/ctT3ZJzbPc
— Rohit Sharma (@ImRo45) June 23, 2022
१ जुलैपासून इंग्लंडविरुद्धच्या कसोटी सामन्यात रोहित भारताचे नेतृत्व करेल. हा सामना बर्मिंगहॅम येथे होणार आहे. या मालिकेतील हा पाचवा कसोटी सामना आहे. याआधी २०२१ मध्ये भारतीय संघाने ४ सामने खेळले होते. त्यावेळी भारतीय संघात कोविडची प्रकरणे समोर आल्याने मालिका रद्द करावी लागली होती. या मालिकेत भारतीय संघाने २-१ अशी अभेद्य आघाडी घेतली आहे.
महत्त्वाच्या बातम्या –
बातम्यांसाठी YouTube चॅनेल Subscribe करा
Subscribe Now
