अवघ्या काही दिवसावर आलेल्या दसऱ्याच्या मुहूर्तावर सोने-चांदीच्या दरात वाढ

मुंबई: अवघ्या काही दिवसांवर दसरा आल्याने या दिवशी सोने खरेदी करण्यासाठी अनेकांचे लगबग चालू असते. अनेकजण या दसऱ्याच्या दिवसासाठी सोने खरेदी करून ठेवत असतात. मात्र आज सोन्याच्या किंमती काहीशी वाढ झाली आहे. त्यामुळे जर तुम्हाला दसऱ्यासाठी सोने खरेदी करायचे असेल तर वेळीच करा.

मल्टी कमोडिटी एक्स्चेंजवर डिसेंबर डिलिव्हरीच्या सोन्याच्या भावात 0.19 रुपयांची वाढ झाली आहे. त्यामुळे सध्या 10 ग्रॅम सोन्याचा दर 47,141 रुपये इतका झाला आहे. दुसरीकडे चांदीच्या दरातही 0.02 टक्क्यांची वाढ होऊन चांदीचा प्रतिकिलो दर 60,693 रुपयांवर पोहोचला आहे. गेल्यावर्षी सोन्याच्या किंमतीने 56200 रुपयांचा सार्वकालिक उच्चांक गाठला होता. त्या स्तरापेक्षा सोने सध्या 9059 रुपयांनी स्वस्त झाले आहे. मात्र पुढील काळात सोन्या- चांदीच्या भावात वाढ होण्याची शक्यता असल्याचे देखील सांगण्यात येत आहे.

सध्या सोनं 45 ते 46 हजार रुपये प्रतितोळा या पातळीवर आहे. ही सोने खरेदीसाठी चांगली संधी असल्याचे मानले जात आहे. पुढील तीन महिन्यांत येथून सोन्याच्या किंमतीत 4-5 हजारांपर्यंत वाढ होऊ शकते. स्वस्तिक इन्व्हेस्टमेंटचे अभिषेक चौहान यांच्या अंदाजानुसार दिवाळीपर्यंत सोन्याचा भाव 49 हजारापर्यंत जाऊ शकते. तर पुढील तीन महिन्यांत चांदीचा भाव  10 हजारांपर्यंत जाण्याची शक्यता आहे.

महत्त्वाच्या बातम्या

• ‘महाराष्ट्र बंद करायला निघालेल्या ठाकरे सरकारला लातूरमध्ये अन्नत्याग आंदोलन करणारे शेतकरी दिसत नाहीत का ?’
• ‘सरकारचा या बंदशी सूतराम संबंध नाही, भाजपच्या कृत्याचा निषेध म्हणून जनताच उत्स्फूर्तपणे सहभागी झाली’
• उत्तर प्रदेशात रामराज्याच्या नावाखाली तालीबानी राजवट सुरु आहे – पटोले 
• ‘अतिवृष्टीने शेतकरी बेजार झालाय, महाराष्ट्र सरकार मात्र हफ्तावसुली करण्यात मग्न…कुछ तो शर्म करो’
• ‘अतिवृष्टीमुळे शेतकरी डबघाईला आलेला आहे, मात्र राज्य सरकारने अद्यापही मदत जाहीर केली नाही’