प्लॅन केल्याप्रमाणे उन्हाळ्यातील सगळी मौजमजा, घुमनाफिरना झालं असेल नाही का? आणि आ‍ता तिकडून परत आल्यानंतर तिकडच्या मजा मस्तीचे फोटो पाहताना लक्षात येतं, अरे, आपण चांगलेच काळवंडलोय. उन्हात मनसोक्त भटकताना, पाण्यात खेळताना त्वचेकडे आपलं लक्षच गेलेलं नाहीय. स्कीन टॅन झालीय, पण डोंट वरी. तुमच्यासाठीच या काही खास टॅनिंग टिप्स.
1. खूप पाणी प्या. काकडीचा, कलिंगडाचा ज्यूस प्या. काकडीच्या स्लाइस डोळ्यांवर ठेवा.
2. गार दुधात कापसू बुडवून डोळ्यांवर ठेवा.
3. टॅन झालेल्या त्वचेच्या भागावर कोरफडीचा रस लावणं केव्हाही चांगलंच.
4. खायच्या डोशाचं पीठ टॅन झालेल्या भागावर लावा. ते सुकेपर्यंत ठेवा आणि मग धुवून टाका. त्वचा उजळेल.
5. कच्च्या दुधात बेसन व लिंबाचे थेंब टाकून हे मिश्रण त्वचेवर लावा. 15 मिनिटं ठेवून धुवून टाका. सतत 4 आठवडे असं केल्यास चांगला परिणाम दिसेल.
6. 1 चमचा दूध पावडर, 1 चमचा मध, 1 चमचा लिंबाचा रस आणि अर्धा चमचा बदामाचं तेल एकत्र करा. त्वचेवर लावून 15 मिनिटं ठेवून धुवून टाका. काळपटपणा जाऊन त्वचा चमकदार होईल. शिवाय मऊपणाही राहील.
