कोल्हापूर : राज्यात मराठा आरक्षणाचा प्रश्न पेटला आहे. खासदार संभाजी छत्रपती यांनी ६ जूनला रायगडावरून मराठा आरक्षणासाठीच्या आंदोलनाची घोषणा केली आहे. १६ जून रोजी मराठा आरक्षणासाठी पहिला मोर्चा काढण्यात येणार आहे. कोल्हापूरमध्ये छत्रपती शाहू महाराजांच्या समाधीस्थळावरून हा मोर्चा काढण्यात येणार असल्याची घोषणा संभाजी छत्रपती यांनी केली आहे. मराठा समाजच्या मागण्यांवर विचार नाही झाला तर पुण्यातून मंत्रालयावर लॉंगमार्च काढण्याचा थेट इशारा देखील खा. संभाजीराजे यांनी दिला आहे.
उद्या कोल्हापूरमध्ये पहिला मूक आंदोलन करण्यात येणार आहे. या आंदोलनात आता वंचित बहुजन विकास आघाडीचे सर्वेसर्वा प्रकाश आंबेडकर सुद्धा सहभागी होणार आहे. त्यामुळे राज्यातील राजकारणातली ही सर्वात मोठी घडामोड ठरणार आहे. वंचित बहुजन विकास आघाडीचे अध्यक्ष प्रकाश आंबेडकर यांनी आपण या आंदोलनात सहभागी होणार असल्याचं जाहीर केलं आहे.
उद्या दि. १६ जून रोजी कोल्हापुरात मराठा समाजाच्या आरक्षणप्रश्नी खा. संभाजी महाराज यांच्या नेतृत्वाखाली आयोजित मराठा आरक्षण मोर्चात वंचित बहुजन आघाडीचे अध्यक्ष ऍड. प्रकाश आंबेडकर सहभागी होणार आहेत.@Prksh_Ambedkar @YuvrajSambhaji
— Vanchit Bahujan Aaghadi (@VBAforIndia) June 15, 2021
दरम्यान काही दिवसांपूर्वी संभाजीराजे यांनी मुंबईत मुख्यमंत्री उद्धव ठाकरे, राष्ट्रवादीचे अध्यक्ष शरद पवार, देवेंद्र फडणवीस यांच्यासह प्रकाश आंबेडकर यांची भेट घेतली होती. प्रकाश आंबेडकर यांच्या भेटीमुळे नवीन आघाडीचा फॉर्म्युला तयार केला जात असल्याची चर्चा रंगली होती. आता खुद्द प्रकाश आंबेडकर यांच्या सहभागामुळे राज्यातील राजकारणाला नवी दिशा मिळण्याचे चिन्ह आहे.
महत्वाच्या बातम्या
- अयोध्येतील जमीन खरेदीत भ्रष्टाचाराचा आरोप, महाविकास आघाडीच्या नेत्यांनी भाजपला झोडपून काढले
- ‘विमानतळास दि. बा. पाटील यांचेच नाव द्या अन्यथा…’ ; भूमीपूत्रांनी दिला सरकारला इशारा
- विद्यार्थ्यांच्या ‘फी’चा पालकांवरील बोजा कमी करण्यासाठी सुनील शेळकेंची भेगडेंना साद !
- काँग्रेस प्रदेशाध्यक्ष अडचणीत! बदनामी प्रकरणी नाना पटोले यांच्याविरोधात पोलिसांत तक्रार
- स्थानिक स्वराज्य संस्था आणि विधानसभा काँग्रेसने स्वबळावर लढावे ही तर जनभावना – पटोले
