🕒 1 min read
मुंबई : शेतकरी कामगार पक्षाचे ज्येष्ठ नेते आणि सांगोल्याचे माजी आमदार गणपतराव देशमुख यांचं काल रात्री सोलापुरातील एका खासगी रुग्णालयात निधन झालं. ते ९४ वर्षाचे होते. सोलापूर जिल्ह्यातील सांगोला मतदारसंघातून ११ वेळा ते विधानसभेवर निवडून आले होते. अत्यंत साधी राहणी असलेल्या गणपतरावांनी ५४ वर्षं सांगोल्याचं प्रतिनिधित्व केलं होते.
आदर्श लोकप्रतिनिधी असलेल्या देशमुख यांनी शेतकरी, कष्टकरी आणि जन-सामान्यां प्रती आपली बांधिलकी शेवटपर्यंत जपणाऱ्या देशमुख यांच्या अंत्यदर्शनासाठी कार्यकर्त्यांनी मोठी गर्दी होती. सकाळी त्यांचं पार्थिव त्यांच्या पेनूर या जन्मगावी ठेवण्यात आलं. यावेळी देशमुख यांच्या अंत्यदर्शनासाठी ग्रामस्थ आणि समर्थकांनी गर्दी केली. त्यांच्या निधनाने विविध क्षेत्रातील मान्यवरांनी श्रध्दांजली अर्पण केली आहे.
काँग्रेस नेत्या प्रियांका गांधी यांनीही सोशल मीडियाच्या माध्यमातून भावना व्यक्त केल्या आहेत. ‘महाराष्ट्रातील सर्वाधिक काळ आमदार राहिलेले माजी आमदार गणपतराव देशमुख यांच्या निधनाची दु:खद बातमी समजली. गणपतराव देशमुख यांनी राजकारणात समाजकारण केले. त्यांनी वंचित शेतकरी व कामगार वर्गासाठी आवाज उठवला. त्यांच्या या कृतीने देशात एक अद्वितीय उदाहरण घालून दिले आहे’ असे ट्विट प्रियंका गांधी यांनी केले आहे.
महाराष्ट्र में लंबे समय तक विधायक रहे एवं पूर्व मंत्री श्री गणपतराव देशमुख जी के निधन का दुखद समाचार मिला।
श्री गणपत राव जी ने राजनीति में जनसेवा एवं किसानों, मजदूरों व वंचित तबकों की आवाज उठाने का एक अद्वितीय उदाहरण पेश किया।
विनम्र श्रद्धांजलि।
— Priyanka Gandhi Vadra (@priyankagandhi) July 31, 2021
मुख्यमंत्री उद्धव ठाकरे, विरोधी पक्षनेते देवेंद्र फडणवीस, माजी केंद्रीय मंत्री सुशीलकुमार शिंदे यांच्यासह आमदार प्रणिती शिंदे, विजयसिंह मोहिते-पाटील, माजी आमदार नरसय्या आडम यांनी व अनेक नेते व कार्यकर्त्यांनी त्यांच्या निधनाबद्दल शोक व्यक्त केला आहे.
महत्त्वाच्या बातम्या
- मुख्यमंत्र्यांच्या विरोधात सोशल मीडियावर पोस्ट, बीडचा फैसल खान अटकेत
- ‘महाराष्ट्रात ऑक्सिजन अभावी एकाचाही मृत्यू नाही’, खा.संजय राऊत यांचा दावा
- भगत सिंह नाटकाची रंगीत तालीम सुरू असताना मुलाला लागला गळफास
- गणपतराव आबांच्या अंत्यदर्शनासाठी कार्यकर्त्यांची गर्दी, समर्थकांना अश्रू अनावर
- नेम चुकला : पत्नी दिपीकानंतर पती अतनु दास ऑलिम्पिकमधून बाहेर
बातम्यांसाठी YouTube चॅनेल Subscribe करा
Subscribe Now
