टीम महाराष्ट्र देशा : लोकसभा निवडणुकांमध्ये मनसे अध्यक्ष राज ठाकरे यांनी ‘लाव रे तो व्हिडीओ’ म्हणत पंतप्रधान नरेंद्र मोदी आणि भाजपच्या घोषणांना अक्षरशः उघड पाडल होत. भाजप आणि मोदींचे देशात प्रखर विरोधक म्हणून राज ठाकरे यांच्याकडे पाहण्यास सुरवात झाली असताना मनसेचे जेष्ठ नेते आणि प्रवक्ते अनिल शिदोरे यांनी उठसूट मोदींना दोष देऊ नका अस वक्तव्य केल आहे.
अनिल शिदोरे यांनी पुणे महापालिकेच्या भोंगळ कारभारावर बोट ठेवत पावसाळ्यातील काम नगरसेवकांकडून करून घ्या अस आवाहन पुणेकरांना केलं आहे. तुरळक पावसानं पुण्यात पाणी साठलंय, वहातूक तुंबली आहे. याची जबाबदारी महानगरपालिकेची आणि नगरसेवकांची आहे. त्यांच्याकडून कामं करून घ्या, उठसूट मोदींना दोष देऊ नका, ते याला जबाबदार नाहीत. त्यांच्या नावावर निवडून आलेले जबाबदार आहेत. अस ट्विट अनिल शिदोरे यांनी केल आहे.
आत्ताच घरून मार्केट यार्डला जाऊन परत आलो. तुरळक पावसानं पाणी साठलंय, वहातूक तुंबली आहे. ह्याची जबाबदारी महानगरपालिकेची आणि नगरसेवकांची आहे. त्यांच्याकडून कामं करून घ्या, उठसूट मोदींना दोष देऊ नका, ते ह्याला जबाबदार नाहीत.. त्यांच्या नावावर निवडून आलेले जबाबदार आहेत.
— Anil Shidore अनिल शिदोरे (@anilshidore) June 28, 2019
बातम्यांसाठी YouTube चॅनेल Subscribe करा
Subscribe Now
