मुंबई : कोरोनामुळे देशभर लॉकडाऊन झाल्याने सर्व प्रकारचे जनजीवन हे विस्कळीत झाले आहे. यातच एप्रिल, मे हा विविध परीक्षांचा असणारा कालावधी देखील कोरोना महामारीच्या तडाख्यात सापडल्याने सर्व प्रकारच्या परीक्षा महाराष्ट्रात देखील तत्काळ पुढे ढकलण्यात आल्या होत्या.
अंबाजोगाईत प्लाझमा थेरेपी यंत्रणा सज्ज ! धनंजय मुंडेंच्या मागणीला यश
८ मे रोजी उच्च व तंत्रशिक्षण मंत्री उदय सामंत यांनी अंतिम वर्ष सोडून सर्व वर्षांच्या परीक्षा या रद्द करण्याचे आदेश दिले होते. त्यानंतर ३० मे रोजी मुख्यमंत्री उद्धव ठाकरे यांनी अंतिम वर्षाच्या परीक्षा देखील रद्द करण्यात आल्याचे सांगितले. मात्र त्यानंतर एटिकेटी व बॅकलॉग परीक्षांचे काय होणार यावरून संभ्रम अजून देखील कायम आहे.
एटिकेटी व बॅकलॉग असणारे अनेक विद्यार्थी असून, जर योग्य निर्णय झाला नाही तर त्यांचे शैक्षणिक नुकसान देखील होऊ शकते. उदय सामंत यांनी एटिकेटी व बॅकलॉग साठी विद्यार्थी हिताचा निर्णय घेतला जाईल अशी वारंवार भूमिका स्पष्ट केली असली तरी अजून अधिकृत निर्णय जाहीर केलेला नाही. यासाठी आशिष शेलार यांनी वारंवार लक्ष वेधण्यासाठी ट्विटरद्वारे सरकारच्या निर्णयावर व उदय सामंत यांच्यावर टीका सत्र सुरु ठेवले आहे.
परिक्षा रद्द केल्याचा शासन निर्णय काढून आज 15 दिवस झाले. एटीकेटीच्या विद्यार्थ्यांचा निर्णय अद्याप झालेला नाही. उच्च शिक्षण मंत्र्यांनी ना त्यावर बैठक घेतली? ना विद्यापीठात कसलेच "योग्य सूत्र" ठरले?
"चमत्कारा"ची वाट पाहणाऱ्यांचा
सगळा हा "चमत्कारिक"कारभार!
वाचव रे बा, विठ्ठला!!— Adv. Ashish Shelar – ॲड. आशिष शेलार (@ShelarAshish) July 3, 2020
समाजाची दिशाभूल करून ‘सारथी’ बंदच करून टाकणार का, खा संभाजीराजे संतापले
आज आशिष शेलार यांनी ट्विट करत, ‘परीक्षा रद्द केल्याचा शासन निर्णय काढून १५ दिवस होऊन देखील एटिकेटी व बॅकलॉग चा निर्णय घेण्यात आला नसून मंत्रांनी बैठक देखील घेतली नसल्याचे म्हणत चमत्काराची वाट पाहणाऱ्यांचा चमत्कारिक कारभार, या शब्दात टीका केली आहे.
